യാത്രാ വീഡിയോയും പാചകകുറിപ്പുകളുമായി മലയാളികൾക്ക് മുന്നിലെത്തുന്ന ലക്ഷ്മി നായരെ പ്രത്യേകം പരിചയപ്പെടുത്തേണ്ടതില്ല. അത്രമേൽ പരിചിതമാണ് ലക്ഷ്മി നായരെ മലയാളികൾക്ക്. അടുത്തിടെയാണ് ലക്ഷ്മിക്ക് പേരക്കുട്ടികൾ പിറന്നക്. മകൾ പാർവതി ഒറ്റ പ്രസവത്തിൽ മൂന്ന് കൺമണികൾക്കാണ് ജന്മം നൽകിയത്. ഈ സന്തോഷം ലക്ഷ്മി നേരത്തെ പങ്കുവെച്ചിരുന്നു.
ഇപ്പോഴിതാ തന്റെ പേരക്കുട്ടികളെ ആദ്യമായി ലോകത്തിന് പരിചയപ്പെടുത്തിയിരിക്കുകയാണ് ലക്ഷ്മി. മൂന്ന് കൺമണികളുടെയും ചിത്രങ്ങളും വിഡിയോകളും ഇതാദ്യമായാണ് ലക്ഷ്മിനായർ പുറത്തുവിടുന്നത്. യുവാൻ, വിഹാൻ, ലയ എന്നിങ്ങനെയാണ് ഇവർക്ക് പേര് നൽകിയിരിക്കുന്നത്. അഞ്ചു മാസമാണ് പ്രായം. ഇവരെ കൂടാതെ നാലു വയസ്സുകാരനായ ആയുഷ് എന്ന ഒരു മകനും പാർവ്വതിക്ക് ഉണ്ട്.
കുഞ്ഞുങ്ങളുടെ ജനനശേഷം മകൾക്കും പേരക്കുട്ടികൾക്കുമൊപ്പം മാഞ്ചസ്റ്ററിലാണ് ലക്ഷ്മി നായർ താമസിക്കുന്നത്. കുട്ടികളുടെ വിശേഷങ്ങളും അവർക്കായി ഒരുക്കിയിരിക്കുന്ന മുറിയുടെ ചിത്രങ്ങളും പേരക്കുട്ടികളുമായി പങ്കിടുന്ന സന്തോഷകരമായ നിമിഷങ്ങളുടെ വിഡിയോയും എല്ലാം വ്ലോഗിൽ ഉൾപ്പെടുത്തിയിട്ടുണ്ട്. ക്രിസ്മസ് കാലത്തും ദീപാവലി സമയത്തുമെല്ലാം കുഞ്ഞുങ്ങളെ അണിയിച്ചൊരുക്കിയതിന്റെ ചിത്രങ്ങളും വിഡിയോയിൽ കാണാം.
Discussion about this post