കഴിഞ്ഞ കുറച്ച് ദിവസമായി സോഷ്യൽമീഡിയയുടെ ഇര നടി ഭാവനയാണ്. ഗോൾഡൻ വിസ സ്വീകരിക്കാനെത്തിയ നടിയുടെ സ്റ്റൈലിഷ് ലുക്ക് ആണ് ഏറെ ചർച്ചയായത്. താരം വയർ കാണിക്കുന്നുവെന്ന് കാണിച്ചാണ് ഓൺലൈൻ സദാചാര വാദികളുടെ ആക്രമണം നടന്നത്. എന്നാൽ നടി മൗനം പാലിച്ചു. ഇപ്പോൾ ഈ വസ്ത്രത്തിന്റെ പ്രത്യേകതകളാണ് പുറത്ത് വരുന്നത്. സ്കിൻ കളറുള്ള വസ്ത്രമാണിത്.
അതുകൊണ്ട് തന്നെ ഭാവന ശരീരം കാണിക്കുന്നതായി വൻ തോതിൽ പ്രചരണം നടക്കുകയായിരുന്നു. സംഭവത്തിൽ ഭാവനയെ പിന്തുണച്ചും നിരവധിപേർ രംഗത്തെത്തി. കാണുന്ന ആളുകളുടെ മനസ്സിലാണ് യഥാർഥത്തിൽ പ്രശ്നമെന്നും ഇത്തരം വിമർശനങ്ങളെ അവജ്ഞയോടെ തള്ളിക്കളയണമെന്നും ഭാവനയെ പിന്തുണയ്ക്കുന്ന ഒരു വിഭാഗം പറഞ്ഞു. ഒരിടവേളയ്ക്ക് ശേഷം നടി വീണ്ടും സിനിമയിൽ സജീവമാവുകയാണ്.
ദുബായിലെ മുൻനിര സർക്കാർ സേവന ദാതാക്കളായ ഇസിഎച്ച് ഡിജിറ്റലിന്റെ ആസ്ഥാനത്ത് എത്തിയ നടി സിഇഒ ഇഖ്ബാൽ മാർക്കോണിയിൽ നിന്നാണ് ഗോൾഡൻ വീസ ഏറ്റുവാങ്ങിയത്. പരിപാടിക്കിടെ താരജാഡകളില്ലാതെ ആടിയും പാടിയും നിൽക്കുന്ന നടിയുടെ വീഡിയോ സോഷ്യൽമീഡിയയിൽ തരംഗമാവുകയാണ്.
Discussion about this post