പെരുന്ന: എന്എസ്എസിന്റെ സംഘപരിവാര് ചായ്വിനെ വിമര്ശിച്ച സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് മറുപടിയുമായി എന്എസ്എസ് ജനറല് സെക്രട്ടറി ജി സുകുമാരന് നായര്. കോടിയേരിയുടെ പരാമര്ശം എന്എസ്എസിനെ കുറിച്ചുള്ള അജ്ഞത മൂലമെന്ന് സുകുമാരന് നായര് വാര്ത്താകുറിപ്പിലൂടെ വ്യക്തമാക്കി.
സിപിഎമ്മിനും കോടിയേരിക്കും ഇപ്പോഴത്തെ സാഹചര്യത്തില് നിരാശയുണ്ട്. അതിനാലാണ് എന്എസ്എസിനെ വിമര്ശിക്കുന്നത്. മറ്റാരുടേയും തൊഴുത്തില് ഒതുങ്ങുന്നതല്ല എന്എസ്എസ്. അതിന് ശ്രമിച്ചവരെല്ലാം നിരാശരായിട്ടുണ്ട്. രാഷ്ട്രീയത്തിന് അതീതമായി മതേതര നിലപാടാണ് സംഘടനക്കുള്ളതെന്നും സുകുമാരന് നായര് വ്യക്തമാക്കി
ന്നത്ത് പത്മനാഭനെ ഇപ്പോള് വലിയ നവോത്ഥാന നായകനായി സിപിഎം ഉയര്ത്തി പിടിക്കുന്നു. എന്നാല്, 1959ല് ആദ്യത്തെ കമ്യൂണിസ്റ്റ് സര്ക്കാറിനെതിരെ നിലപാട് സ്വീകരിച്ചപ്പോള് മന്നത്തിനെ പാര്ട്ടി എങ്ങനെയെന്ന് വിശേഷിപ്പിച്ചതെന്ന് ചരിത്രത്തില് ഉണ്ടെന്നും അദ്ദേഹം ചൂണ്ടിക്കാട്ടി. എന്എസ്എസ് വിശ്വാസികള്ക്കൊപ്പവും നിരീശ്വരവാദത്തിന് എതിരും ആണെന്നും സുകുമാരന് നായര് അവകാശപ്പെട്ടു.
Discussion about this post