തിരുവനന്തപുരം: സംസ്ഥാനത്തെ തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിൽ കോർപ്പറേഷനുകളിൽ എൽഡിഎഫ് മുന്നേറുമ്പോൾ പഞ്ചായത്തുകളിൽ യുഡിഎഫ്-എൽഡിഎഫ് ഇഞ്ചോടിഞ്ച് പോരാട്ടം. തെരഞ്ഞെടുപ്പിൽ കൊച്ചി കോർപ്പറേഷൻ യുഡിഎഫ് മേയർ സ്ഥാനാർത്ഥി എൻ വേണുഗോപാൽ തോറ്റു. ഐലൻഡ് ഡിവിഷനിൽ മത്സരിച്ച് വേണുഗോപാലിനെ ബിജെപി സ്ഥാനാർത്ഥിയാണ് തോൽപ്പിച്ചത്. വേണുഗോപാലിന്റെ തോൽവി ഒറ്റവോട്ടിനാണ്.
എൽഡിഎഫ് വിജയം പിടിക്കുന്ന മലപ്പുറം വളാഞ്ചേരി മുൻസിപ്പാലിറ്റിയിൽ എൽഡിഎഫിന് തിരിച്ചടിയായി മന്ത്രി കെടി ജലീലിന്റെ വാർഡിലെ സ്ഥആനാർത്ഥിക്ക് തോൽവി. മന്ത്രിയുടെ വാർഡിൽ എൽഡിഎഫ് സ്ഥാനാർത്ഥിയെ യുഡിഎഫിന്റെ സ്ഥാനാർത്ഥിയാണ് പരാജയപ്പെടുത്തിയത്.
അതേസമയം, മുൻസിപ്പാലിറ്റികളിലും ഗ്രാമപഞ്ചായത്തുകളിലും യുഡിഎഫും എൽഡിഎഫും കനത്തപോരാട്ടമാണ് കാഴ്ചവെയ്ക്കുന്നത്. കൊല്ലം കോർപ്പറേഷനിലാണ് ആവേശകരമായ പോരാട്ടം നടക്കുന്നത്. ബ്ലോക്ക്, ജില്ലാ പഞ്ചായത്തുകളിൽ എൽഡിഎഫാണ് ലീഡ് ചെയ്യുന്നത്. കൊച്ചിയൊഴികെയുള്ള കോർപറേഷനുകളിൽ എൽഡിഎഫ് ലീഡ് ചെയ്യുന്നത്. വെൽഫെയറുമായി യുഡിഎഫ് സഖ്യമുണ്ടാക്കിയ മുക്കത്ത് യുഡിഎഫ് മുന്നിലാണ്.
Discussion about this post