മലയാളികളുടെ പ്രിയപ്പെട്ട താരജോഡികളാണ് അവതാരകയും നടിയുമായ പേളി മാണിയും സീരിയല് നടന് ശ്രീനിഷ് അരവിന്ദും. ബിഗ്ബോസ് റിയാലിറ്റി ഷോയില്വെച്ച് മൊട്ടിട്ട പ്രണയം പിന്നീട് വിവാഹത്തിലെത്തുകയായിരുന്നു. കഴിഞ്ഞ മേയില് ആണ് പേളിയും ശ്രീനിഷും വിവാഹിതരായത്.
ഇപ്പോള് ഒരു കുഞ്ഞതിഥിക്കായി കാത്തിരിക്കയാണ് ഇരുവരും. അഞ്ചു മാസം ഗര്ഭിണിയാണ് ഇപ്പോള് പേളി മാണി. അച്ഛനാകാന് ഒരുങ്ങുന്നതിന്റെ സന്തോഷത്തിലാണ് ശ്രീനിഷ് അരവിന്ദ്. മാര്ച്ചിലാണ് കുഞ്ഞെത്തുന്നതെന്നും കുഞ്ഞിന്റെ വിശേഷങ്ങളും പങ്കുവച്ച് പേളി എത്തിയിരുന്നു.
ഇപ്പോഴിതാ, മക്കളായ പേളിയെയും റേച്ചലിനെയും കുടുംബത്തിലേക്ക് എത്തുന്ന കുഞ്ഞതിഥിയെകുറിച്ചും മരുമകന് ശ്രീനിഷിനെ പറ്റിയുമെല്ലാം മനസുതുറന്നിരിക്കയാണ് പേളിയുടെ പിതാവും മോട്ടിവേഷണല് സ്പീക്കറുമായ മാണിപോള്. ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് മാണി പോള് വിശേഷങ്ങള് പങ്കുവെച്ചത്.
മകള് ഗര്ഭിണിയാണെന്നറിഞ്ഞപ്പോള് എന്തായിരുന്നു തോന്നിയതെന്നും മാണി പോളിനോട് ചോദ്യമെത്തിയിരുന്നു. ഇതൊക്കെ എന്നോ ആവേണ്ടതല്ലേ, വൈകിപ്പോയി എന്നായിരുന്നു തോന്നിയത്. പേളി 20 ല് കല്യാണം കഴിച്ചിരുന്നെങ്കില് നേരത്തെ കുഞ്ഞുങ്ങളായേനെ, പേളിയുടെ അമ്മയുടേയും ശ്രിനിഷിന്റെ അമ്മയുടേയുമൊക്കെ വിവാഹം വളരെ നേരത്തെ കഴിഞ്ഞതാണെന്ന് മാണി പോള് വ്യക്തമാക്കി.
പേളിക്ക് പറ്റിയ ആളാണോ ശ്രീനിഷ് എന്ന് ആദ്യം തോന്നിയിരുന്നു. പക്ഷെ, എന്നാലിപ്പോള് മരുമകന് നൂറില് നൂറു മാര്ക്കാണ് മാണി നല്കുന്നത്. ശ്രിനിഷ് ഭയങ്കര ടോളറന്റാണ്, സിംപിള് ബോയ് യാണ്. കണ്ടാല് ഭയങ്കരനാണെന്നൊക്കെ തോന്നുമെങ്കിലും ആള് പാവമാണെന്ന് മാണി പോള് പറയുന്നു.
ശ്രീനിയും ഷിയാസും ഒരുമിച്ചുള്ള ഫോട്ടോയാണ് കണ്ടത്. ഭയങ്കര അഹങ്കാരിയായിരിക്കുമെന്നായിരുന്നു കരുതിയത്.ഞാന് കണ്ട അന്നും ഇന്നും എന്നും അവന് ഒരുപോലെയാണ്. ഐഡിയല് കപ്പിളാണ് അവര്. പേളിക്ക് പറ്റിയ പയ്യനാണ് ശ്രിനിഷെന്നും മാണി പോള് കൂട്ടിച്ചേര്ത്തു.
Discussion about this post