നടന് കൃഷ്ണകുമാറും കുടുംബവും മലയാളികള്ക്ക് എന്നും പ്രിയപ്പെട്ടവരാണ്. സമൂഹമാധ്യമങ്ങളില് സജീവമാണ് കൃഷ്ണകുമാറിന്റെ കുടുംബം. നാലുപെണ്മക്കളും മലയാളികള്ക്ക് ഇന്ന് സുപരിചിതരാണ്. സിനിമയില് തിളങ്ങിയ അഹാനയ്ക്ക് പുറമെ സഹോദരിമാരായ ദിയ, ഇഷാനി, ഹന്സിക എന്നിവരും ഇന്ന് സോഷ്യല്മീഡിയയിലെ താരങ്ങളാണ്.
തങ്ങളുടെ സന്തോഷനിമിഷങ്ങളും ഫോട്ടോകളുമെല്ലാം നാല് പേരും സോഷ്യല്മീഡിയയില് പങ്കുവെക്കാറുണ്ട്. ഇപ്പോഴിതാ നാല് പേരുടെയും ഡാന്സ് വീഡിയോയാണ് ഇപ്പോള് സോഷ്യല്മീഡിയ ഏറ്റെടുത്തിരിക്കുന്നത്. അഹാനയും ദിയയുമാണ് വിഡിയോയുടെ ആദ്യഭാഗത്ത് പ്രത്യക്ഷപ്പെടുന്നത്.
പിന്നാലെ ഇഷാനിയും ഹന്സികയും എത്തുന്നു. തുടര്ന്ന് നാലുപേരും മത്സരിച്ച് ചുവടുവയ്ക്കുന്നു. മോഡേണ് ലുക്കിലാണ് സംഘം വിഡിയോയില് പ്രത്യക്ഷപ്പെടുന്നത്. വീട്ടിലെ സ്വീകരണമുറിയില് വച്ചാണ് ഇവരുടെ തകര്പ്പന് പ്രകടനം.ഒന്നര മിനിട്ടോളം ദൈര്ഘ്യമുള്ള വിഡിയോ ഇപ്പോള് സമൂഹമാധ്യമങ്ങളില് പ്രചരിക്കുകയാണ്.
നിരവധി പേര് പ്രശംസിച്ച് പ്രതികരണങ്ങള് രേഖപ്പെടുത്തി. ഓരോരുത്തരും ഒന്നിനൊന്ന് മെച്ചമാണെന്നാണ് പ്രേക്ഷകപക്ഷം. നൃത്ത വിഡിയോകളും പാട്ടുകളുമൊക്കെയായി സമൂഹമാധ്യമങ്ങളില് സജീവമാണ് അഹാനയും സഹോദരിമാരും. ഇതിനു മുന്പും നാലുപേരും ഒരുമിച്ചുള്ള ഡാന്സ് വിഡിയോ വൈറലായിട്ടുണ്ട്.
Discussion about this post