തൃശൂര്: സ്വര്ണ്ണക്കടത്ത് കേസില് കോണ്ഗ്രസ് എംപി കെസി വേണുഗോപാലിനെതിരെ ആരോപണവുമായി ബിജെപി നേതാവ് ബി ഗോപാലകൃഷ്ണന്. സ്വര്ണ്ണക്കടത്ത് കേസില് കസ്റ്റംസ് തിരയുന്ന സ്വപ്നയെ ഒളിപ്പിച്ചിരിക്കുന്നത് കെസി വേണുഗോപാലാണെന്ന് ഗോപാല കൃഷ്ണന് പറഞ്ഞു. ‘സ്വപ്നയുടെ കേരളത്തിലെ ആദ്യ സ്പോണ്സറും കെസി വേണുഗോപാലാണെന്നും ഗോപാലകൃഷ്ണന് ആരോപിച്ചു.
സ്വപ്നയ്ക്ക് എയര് ഇന്ത്യയില് ജോലി ലഭിച്ചത് വേണുഗോപാല് കേന്ദ്ര സിവില് ഏവിയേഷന് സഹമന്ത്രിയായിരിക്കെയാണ്. കെസിയുടെ നേരിട്ടുളള ഇടപെടല് ഇതില് ഉണ്ടായിരുന്നു. ഇക്കാര്യത്തില് തെളിവ് ഹാജരാക്കാന് തയ്യാറാണ്. സ്വര്ണക്കടത്തിന്റെ കരങ്ങള് കോണ്ഗ്രസിന്റേതാണ്. സ്വപ്നയെ ഒളിപ്പിച്ചിരിക്കുന്നത് വേണുഗോപാലാണോയെന്നും സംശയമുണ്ടെന്നും ഗോപാലകൃഷ്ണന് ആരോപിച്ചു.
കോണ്സുലേറ്റിലേക്ക് സ്വപ്നയെ ശുപാര്ശ ചെയ്തത് ഒരു ഉന്നത കോണ്ഗ്രസ് നേതാവാണ്. സ്വപ്നയെ ശുപാര്ശ ചെയ്ത കോണ്ഗ്രസ് നേതാവാരാണെന്ന് അന്വേഷിക്കണം’.കോണ്സുലേറ്റില് ഇവര് ജോലിക്ക് കയറിയത് 2016 ഒക്ടോബറിലാണ്. പക്ഷെ ശുപാര്ശ നടന്നത് ജനുവരിയിലാണ്.
സ്വപ്ന സുരേഷിന്റെ സാരിത്തുമ്പില് കോണ്ഗ്രസുണ്ട്. 2012 മുതല് 2014 വരെ സിവില് ഏവിയേഷന് മന്ത്രിയായി, ദക്ഷിണേന്ത്യയുടെ പ്രത്യേകിച്ച് കേരളത്തിന്റെ ചുമതലയുണ്ടായിരുന്ന വേണുഗോപാല്, നാല് സ്വപ്നസുന്ദരിമാരെ ഏവിയേഷന് ഡിപ്പാര്ട്മെന്റില് കയറ്റിയിട്ടുണ്ടെന്നും ഗോപാലകൃഷ്ണന് ആരോപിച്ചു.
കെസി വേണുഗോപാല് മന്ത്രിയായിരികെ 2012- 2014 വരെ നടത്തിയ ഇടപെടലുകളെക്കുറിച്ചും അന്വേഷണം വേണമെന്നും ഗോപാലകൃഷ്ണന് ആവശ്യപ്പെട്ടു. സ്വര്ണക്കടത്ത് വിഷയത്തില് കോണ്ഗ്രസിന് യാതൊരു ആത്മാര്ത്ഥതയുമില്ല. സ്വര്ണ്ണക്കടത്തിന്റെ കരങ്ങളില് കോണ്ഗ്രസിന്റെ കൈപ്പത്തിയുണ്ടെന്നും ഗോപാലകൃഷ്ണന് പറഞ്ഞു.
Discussion about this post