തിരുവനന്തപുരം : സംസ്ഥാനത്ത് കൊവിഡ് 19 ജാഗ്രത നിലനില്ക്കുന്ന പശ്ചാത്തലത്തില് മദ്യം വാങ്ങാനെത്തുന്നവര്ക്ക് മാര്ഗനിര്ദേശങ്ങള് പുറത്തിറക്കി ബിവറേജസ് കോര്പ്പറേഷന്. മദ്യം വാങ്ങി കഴിഞ്ഞും അതിനു മുന്പും കൂട്ടംകൂടി നില്ക്കുന്നത് ഒഴിവാക്കണം. തിരക്കുള്ള സമയങ്ങള് ഒഴിവാക്കി തിരക്കു കുറഞ്ഞ സമയങ്ങളില് മദ്യം വാങ്ങണമെന്നും ബെവ്കോ പുറത്തിറക്കിയ മാര്ഗ നിര്ദേശങ്ങളില് പറയുന്നു.
പനി, ചുമ, ജലദോഷം എന്നീ രോഗ ലക്ഷണങ്ങളുള്ളവര് മദ്യശാലയിലേക്ക് വരാതിരിക്കാന് ശ്രദ്ധിക്കണം. മദ്യം വാങ്ങാനെത്തുന്നവര് തൂവാലയോ മാസ്കോ ധരിച്ച് വരണം എന്നും സര്ക്കുലറില് പറയുന്നു. ഉപഭോക്താക്കള് കാണുന്ന രീതിയില് എല്ലാ ഷോപ്പുകളിലും നിര്ദേശങ്ങള് പ്രദര്ശിപ്പിക്കണമെന്നും സര്ക്കുലറില് നിര്ദേശിക്കുന്നു. ബിവറേജസ് കോര്പറേഷന് കീഴിലുള്ള സംസ്ഥാനത്തെ 270 ഔട്ട്ലറ്റുകളിലും സര്ക്കുലര് ബാധകമായിരിക്കും.
അതെസമയം മദ്യ വില്പനശാലകളിലെ തിരക്ക് കുറയ്ക്കാന് പുതിയ സംവിധാനം കൊണ്ടു വരുന്ന കാര്യം സര്ക്കാര് പരിഗണിക്കുന്നുണ്ടെന്ന് എക്സൈസ് മന്ത്രി ടിപി രാമകൃഷ്ണന് പറഞ്ഞു. നൂറു ഷോപ്പുകളില് വരി നില്ക്കുന്നത് ഒഴിവാക്കാന് പുതിയ സംവിധാനം ഏര്പ്പെടുത്തും. തിരക്ക് കുറയ്ക്കാന് കൂടുതല് സെക്യൂരിറ്റി ജീവനക്കാരെ വിന്യസിക്കുമെന്നും മന്ത്രി അറിയിച്ചു.
Discussion about this post