മലപ്പുറം: മലപ്പുറം ജില്ലയില്‍ കൊവിഡ്-19 സ്ഥിരീകരിച്ച രണ്ട് സ്ത്രീകള്‍ സഞ്ചരിച്ച ഫ്‌ളോ ചാര്‍ട്ട് അധികൃതര്‍ പുറത്തുവിട്ടു. ആദ്യത്തെ സ്ത്രീ മാര്‍ച്ച് ഒന്‍പതാം തീയതി മുതല്‍ ആശുപത്രിയില്‍ പ്രവേശിപ്പിച്ച 12-ാം തീയതി വരെയും രണ്ടാമത്തെ സ്ത്രീ 12, 13 ദിവസങ്ങളിലും യാത്ര ചെയ്തിട്ടുള്ള പൊതുസ്ഥലങ്ങള്‍, അവിടെ അവര്‍ ചിലവഴിച്ച സമയം എന്നീ കാര്യങ്ങളാണ് ഫ്‌ളോ ചാര്ട്ടിലൂടെ പ്രസിദ്ധീകരിച്ചിട്ടുള്ളത്.
ഈ തീയതികളില്‍ നിശ്ചിത സമയത്ത് ഈ സ്ഥലങ്ങളില്‍ ഉണ്ടായിരുന്ന വ്യക്തികള്‍ അധികൃതരെ ബന്ധപ്പെടണ്ടതാണ്. കഴിഞ്ഞ ദിവസമാണ് മലപ്പുറത്ത് രണ്ട് സ്ത്രീകളില്‍ കൊറോണ സ്ഥിരീകരിച്ചത്. വണ്ടൂര്‍ വാണിയമ്പലം സ്വദേശിയായ സ്ത്രീക്കും അരീക്കോട് ചെമ്രക്കാട്ടൂര്‍ സ്വദേശിയായ സ്ത്രീക്കുമാണ് രോഗം സ്ഥിരീകരിച്ചത്.
