മുംബൈ: രാജ് താക്കറെയുടെ മഹാരാഷ്ട്ര നവനിര്മ്മാണ് സേന തീവ്രഹിന്ദുത്വ പാതയിലേക്ക്. ഇതിന് മുന്നോടിയായി പാര്ട്ടിയുടെ പതാക പൂര്ണമായും കാവി നിറത്തിലുള്ളതാക്കി. രാജ് താക്കറെയാണ് പുതിയ പതാക പുറത്തിറക്കിയത്. ഓറഞ്ച്, പച്ച, നീല എന്നീ നിറങ്ങളായിരുന്നു മുമ്പ് പതാകയിലുണ്ടായിരുന്നത്. ഇത് മാറ്റിയാണ് ഇപ്പോള് കാവിയിലേക്ക് മാറിയിരിക്കുന്നത്.
ശിവസേന സ്ഥാപകന് ബാല് താക്കറെയുടെ ജന്മദിനമായ ഇന്ന് നടന്ന മഹാ സമ്മേളനത്തിലാണ് പതാകയുടെ നിറം പൂര്ണമായും കാവിയിലേക്ക് മാറിയ വിവരം ഔദ്യോഗികമായി പ്രഖ്യാപിച്ചത്.കാവിനിറം ആരുടെയും കുത്തകയല്ല. മഹാരാഷ്ട്രയുടെ നിറം തന്നെ കാവിയാണ്. ഞങ്ങളും കാവിയാണെന്ന് പാര്ട്ടിയിലെ മുതിര്ന്ന നേതാവ് സന്ദീപ് ദേശ്പാണ്ഡെ പറഞ്ഞു.
പതാകയിലെ ഈ മാറ്റം മഹാരാഷ്ട്രയ്ക്കാകെ പുതു ഊര്ജം പകരുമെന്നുറപ്പാണെന്നും മഹാരാഷ്ട്ര രാഷ്ട്രീയത്തില് പുതിയ വഴിത്തിരിവുകളും സാധ്യതകളുമുണ്ടാകുമെന്നും സന്ദീപ് ദേശ്പാണ്ഡെ കൂട്ടിച്ചേര്ത്തു. ബിജെപിയുമായി പാര്ട്ടി സഖ്യമുണ്ടാക്കുമെന്നും സൂചനകള് പുറത്തുവരുന്നുണ്ട്.
Discussion about this post