ഭോപ്പാല്‍: എതിര്‍ദിശയില്‍ നിന്ന് വന്ന ഓട്ടോയുമായി കൂട്ടിയിടിക്കാതിരിക്കാന്‍ വഴിമാറിയ കാര്‍ നിയന്ത്രണം വിട്ട് പുഴയില്‍ വീണു. മധ്യപ്രദേശിലെ ഓര്‍ച്ചാ നഗരത്തിലാണ് സംഭവം. കാറിലുണ്ടായിരുന്ന അഞ്ചുപേരെ രക്ഷപ്പെടുത്തി. ഇവരെ അടുത്തുള്ള ആശുപത്രിയില്‍ പ്രവേശിപ്പിച്ച് പ്രാഥമിക ചികിത്സ നല്‍കി.
പാലത്തിന് മുകളിലൂടെ നിറയെ യാത്രക്കാരുമായി വരികയായിരുന്നു ഓട്ടോറിക്ഷ. എതിര്‍ദിശയില്‍ നിന്നും അമിത വേഗത്തില്‍ എത്തിയ കാര്‍ ഓട്ടോയുമായി കൂട്ടിയിടിക്കാതിരിക്കാന്‍ സ്റ്റിയറിംഗ് തിരിച്ചു. ഇതോടെ നിയന്ത്രണം വിട്ട കാര്‍ പുഴയിലേക്ക് വീഴുകയായിരുന്നു.
അഞ്ച് യാത്രക്കാരായിരുന്നു ഈ സമയം കാറിലുണ്ടായിരുന്നത്. അപകടം കണ്ടെത്തിയ പ്രദേശവാസികളാണ് ഇവരെ രക്ഷപ്പെടുത്തിയത്. പാലത്തിന് സംരക്ഷണഭിത്തി ഉണ്ടായിരുന്നില്ല. ഇതാണ് കാര്‍ പുഴയിലേക്ക് വീഴാന്‍ കാരണമായത്. സംഭവത്തിന്റെ ദൃശ്യങ്ങള്‍ പ്രചരിക്കുകയാണ്.
#WATCH Madhya Pradesh: A car carrying 5 people lost its balance, while trying to avoid hitting an autorickshaw, and fell into a river in Orchha town of Niwari district today. All the five occupants of the car were later rescued and sent to a hospital. (Source: CCTV footage) pic.twitter.com/TF8uTDBmWG
— ANI (@ANI) October 28, 2019
Discussion about this post