കോഴിക്കോട്: ബസും കാറും കൂട്ടിയിടിച്ച് ഗുരുതരമായി പരിക്കേറ്റ് ചികിത്സയിലായിരുന്നയാള് മരിച്ചു. താമരശ്ശേരി പെരുമ്പള്ളി കരുവന്കാവില് കഴിഞ്ഞ ദിവസമാണ് അപകടം സംഭവിച്ചത്.
നടുവണ്ണൂര് സ്വദേശി സത്യൻ ആണ് മരിച്ചത്. 53 വയസ്സായിരുന്നു. സത്യനൊപ്പം കാറില് സഞ്ചരിച്ച തിക്കോടി സ്വദേശി സുര്ജിത്(38), മന്ദങ്കാവ് സ്വദേശി സുരേഷ് ബാബു(53) എന്നിവര്ക്ക് അപകടത്തിൽ സാരമായി പരിക്കേറ്റു.
ഇവർ കോഴിക്കോട് ഗവ. മെഡിക്കല് കോളേജ് ആശുപത്രിയില് ചികിത്സയിലാണ്. കഴിഞ്ഞ ദിവസം ഉച്ചയോടെയായിരുന്നു അപകടമുണ്ടായത്. തമിഴ്നാട്ടിലെ ദേവാലയില് നിന്നും കോഴിക്കോട്ടേക്ക് വരികയായിരുന്ന സിഡബ്ല്യുഎംഎസ് ബസ്സും കാറുമായിരുന്നു കൂട്ടിയിടിച്ചത്.
ഇടിയുടെ ആഘാതത്തില് നിയന്ത്രണംവിട്ട ബസും കാറും മതിലില് ഇടിച്ചാണ് നിന്നത്.
Discussion about this post