തൃശ്ശൂര്‍; തന്റെ നേരെ ചീറിപാഞ്ഞ് വന്ന നായയുടെ കഴുത്ത് പിടിച്ച് തളച്ച് അലീന എന്ന കൊച്ചുമിടുക്കി . ചൊവ്വാഴ്ച രാവിലെയാണ് സംഭവം. അമ്മയും കുട്ടിയും പള്ളിയിലേക്ക് പോവും വഴിയാണ് നായ കടിക്കാന്‍ നോക്കിയത്. നാല് പേരെ കടിച്ചിട്ടുള്ള വരവായിരുന്നു നായയുടെ. എന്നാല്‍ ഇതിനെ അലീന തളയ്ക്കുകയായിരുന്നു.
നാല് ആളുകളെ ആക്രമിച്ച ശേഷമായിരുന്നു നായ അലീനയ്ക്ക് നേരെ തിരിഞ്ഞത്. തുടര്‍ന്ന് അപകടസൂചനയെന്നോണം ആളുകള്‍ പിന്നില്‍ നിന്നും അറിയിച്ചു. ഇതോടെ അമ്മയും മകളും റോഡിന്റെ സൈഡിലേക്ക് മാറി. എന്നാല്‍ കുട്ടിയുടെ നേരെ നായ ചാടി. ആക്രമണത്തില്‍ അലീനയുടെ ചൂണ്ടുവിരലില്‍ നായ കടിച്ചു.
വീണ്ടും ആക്രമിക്കാന്‍ ശ്രമിച്ചപ്പോഴാണ് നായയുടെ കഴുത്ത് കുട്ടി മുറുകെ പിടിച്ചത്. ഇതോടെ ഒന്ന് അനങ്ങാന്‍ പോലും കഴിയാത്ത അവസ്ഥയിലായി നായ. നായയെ വെറുതെ വിട്ടാല്‍ തന്നെ ഉള്‍പ്പടെ കൂടുതല്‍ പേരെ ഇനിയും ആക്രമിക്കുമെന്ന് മനസിലാക്കിയ അലീന പിടി ഒന്നും കൂടെ മുറുക്കി. ശേഷം നായയെ നാട്ടുകാരെല്ലാം ചേര്‍ന്ന് ‘തളച്ചു’. വിരലില്‍ കടിയേറ്റ കുട്ടിയെ നാട്ടുകാര്‍ ചേര്‍ന്ന് തൃശ്ശൂര്‍ മെഡിക്കല്‍ കോളേജിലാണ് പ്രവേശിപ്പിച്ചത്.
Discussion about this post