കൊച്ചി: എറണാകുളം സെന്‍ട്രല്‍ സ്റ്റേഷനിലെ സിഐയെ കാണാനില്ലെന്ന് ഭാര്യയുടെ പരാതി. നവാസിനെയാണ് കാണാതായിരിക്കുന്നത്. ഇന്നു പുലര്‍ച്ചെ മുതലാണ് നവാസിനെ കാണാതായതെന്ന് ഭാര്യ തേവര സ്റ്റേഷനില്‍ നല്‍കിയ പരാതിയില്‍ പറയുന്നു.
ഇന്നലെ വൈകിട്ട് മേലുദ്യോഗസ്ഥനുമായി തര്‍ക്കമുണ്ടായതായും ഇതിന് പിന്നാലെയാണ് നവാസിനെ കാണാതായതെന്നും ഭാര്യ പറഞ്ഞു. ഔദ്യോഗിക സിംകാര്‍ഡും വയര്‍ലെസ് സെറ്റും സെന്‍ട്രല്‍ സ്റ്റേഷനില്‍ നവാസ് ഇന്നലെ രാത്രി തന്നെ ഏല്‍പ്പിച്ചതായും ഭാര്യ നല്‍കിയ പരാതിയില്‍ പറയുന്നു.
ഇതിനു ശേഷം രാവിലെ നാലിന് നവാസ് തേവരയിലെ ക്വാര്‍ട്ടേഴ്‌സിലേക്ക് തിരിച്ചെത്തി. പോലീസ് ജീപ്പിലാണ് വന്നതെന്നും അഞ്ചരയ്ക്കു ശേഷം പുറത്തേക്കു പോയ നവാസിനെക്കുറിച്ച് പിന്നീടു ഒരു വിവരവുമില്ലെന്നും പരാതിയില്‍ പറയുന്നു. സംഭവത്തില്‍ തേവര പോലീസ് കേസെടുത്തു.
Discussion about this post