സന്നിധാനം: ഇന്ന് മകരവിളക്ക്. സന്നിധാനത്ത് മകരവിളക്കിന്റെയും സംക്രമ പൂജയ്ക്കുമുള്ള ഒരുക്കങ്ങള്‍ പൂര്‍ത്തിയായി. ദര്‍ശനത്തിനായി തീര്‍ത്ഥാടകരുടെ വന്‍ നിര. ഇന്ന് വൈകീട്ട് അഞ്ചരയോടെ അയ്യപ്പ വിഗ്രഹത്തില്‍ ചാര്‍ത്താനുള്ള തിരുവാഭരണവും വഹിച്ചുള്ള ഘോഷയാത്ര ശരംകുത്തിയില്‍ എത്തിച്ചേരും.
അതിനുശേഷം വിഗ്രഹത്തില്‍ തിരുവാഭരണം ചാര്‍ത്തി പൊന്നമ്പല മേട്ടില്‍ മകരവിളക്ക് തെളിയിക്കും. 7.52നാണ് മകര സംക്രമ പൂജ. സന്നിധാനത്ത് എട്ട് കേന്ദ്രങ്ങളില്‍ മകരജ്യോതി ദര്‍ശനത്തിന് സൗകര്യങ്ങള്‍ ഒരുക്കിയിട്ടുണ്ട്.
ഇവിടെ എല്ലാവിധ ഒരുക്കങ്ങളും സുരക്ഷാ സംവിധാനങ്ങളും ഒരുക്കിയിട്ടുണ്ട്. അതേസമയം കഴിഞ്ഞ വര്‍ഷങ്ങളെ അപേക്ഷിച്ച് ഈ വര്‍ഷം തീര്‍ത്ഥാടകരുടെ എണ്ണത്തില്‍ വന്‍ കുറവാണ് ഉണ്ടായിരിക്കുന്നത്.
Discussion about this post