അബുദാബി: അബുദാബിയില്‍ രാത്രി പുറത്തിറങ്ങുന്നതിന് അനുമതി നിര്‍ബന്ധമാക്കി. ദേശീയ അണുവിമുക്ത യജ്ഞം നടക്കുന്നത് രാത്രി 10 മണി മുതല്‍ രാവിലെ 6 വരെയുള്ള സമയത്ത് പുറത്തിറങ്ങുന്നതിനാണ് അനുമതി തേടേണ്ടത്.
ഇത് സംബന്ധിച്ച് അബുദാബി പോലീസാണ് ഈ വിവരം അറിയിച്ചത്. സ്വദേശികളും വിദേശികളും നിയമം പാലിക്കണമെന്ന് അബുബാദി പോലീസ് അറിയിച്ചു. അതേസമയം നിയന്ത്രണങ്ങളില്‍ ഇളവുകളുള്ള പോലീസ്, ആരോഗ്യമേഖല, ജലവൈദ്യുതി, വാര്‍ത്താ വിനിമയം, ഊര്‍ജം, എയര്‍പോര്‍ട്ട്, എമിഗ്രേഷന്‍, ബാങ്ക്, മീഡിയ, നിര്‍മ്മാണ മേഖല, പെട്രോള്‍ സ്റ്റേഷന്‍ എന്നിവയെ ഇതില്‍ നിന്ന് ഒഴിവാക്കിയിട്ടുമുണ്ട്.
www.adpolice.gov.ae എന്ന വെബ്സൈറ്റ് വഴിയാണ് അനുമതിക്ക് അപേക്ഷിക്കേണ്ടത്. അപേക്ഷയുടെ പ്രാധാന്യം പരിശോധിച്ച ശേഷമാണ് അനുമതി നല്‍കുന്നത്. നിയമലംഘനം രേഖപ്പടുത്തിയതില്‍ പരാതിയുണ്ടെങ്കില്‍ 15 ദിവസത്തിനുകം പരാതി നല്‍കാം.
Discussion about this post