തിരുവനന്തപുരം: തനിക്കെതിരെ സമൂഹമാധ്യമങ്ങളിലൂടെ തെറ്റായ വാര്ത്തകള് പ്രചരിപ്പിച്ച് വ്യക്തിഹത്യ ചെയ്യാനുള്ള നീക്കങ്ങള് നടക്കുന്നുവെന്ന് കാണിച്ച് വിഎസ് ശിവകുമാര് എംഎല്എ പരാതി നല്കി. പോലീസ് മേധാവിക്കും സൈബര് സെല്ലിനുമാണ് പരാതി നല്കിയത്.
കൂടാതെ തനിക്കെതിരെ തെറ്റായ വാര്ത്തകള് പ്രചരിപ്പിച്ച് വ്യക്തിഹത്യ ചെയ്യാനുള്ള നീക്കങ്ങള്ക്കെതിരെ തെരഞ്ഞെടുപ്പ് കമ്മീഷനെ സമീപിക്കുമെന്നും അദ്ദേഹം വ്യക്തമാക്കി. ഇത്തരത്തില് തന്നെ അപകീര്ത്തിപ്പെടുത്താനുള്ള ശ്രമങ്ങള് അന്വേഷിക്കണമെന്നാണ് അദ്ദേഹം പരാതിയില് ആവശ്യപ്പെട്ടിരിക്കുന്നത്.
രാഷ്ട്രീയപരമായ നേട്ടത്തിനായി ജനങ്ങള്ക്കിടയില് തന്റെ പേര് മോശമാക്കാന് ശ്രമിച്ച എല്ലാവരെയും നിയമത്തിന് മുന്നില് കൊണ്ട് വരണമെന്നും അവര്ക്ക് മാതൃകപരമായ ശിക്ഷണ നടപടികള് സ്വീകരിക്കണമെന്നും പോലീസ് മേധാവിക്കും സൈബര് സെല്ലിനും നല്കിയ പരാതിയില് ആവശ്യപ്പെട്ടിട്ടുണ്ട്.
Discussion about this post