ബീജിങ്: ലൈവ് ആയി ജീവനുള്ള നീരാളിയെ വിഴുങ്ങാന്‍ ശ്രമം നടത്തിയ യുവതിയ്ക്ക് കിട്ടിയത് എട്ടിന്റെ പണി. ചൈനീസ് വ്ളോഗറായ യുവതിയാണ് ലൈവായി ജീവനുള്ള നീരാളിയെ തിന്നാന്‍ ശ്രമം നടത്തിയത്. എന്നാല്‍ നിമിഷങ്ങള്‍ക്കുള്ളില്‍ എല്ലാം തകിടം മറിയുകയായിരുന്നു.
ആദ്യമൊക്കെ യുവതി അല്‍പം ആത്മവിശ്വാസം ഉണ്ടായിരുന്നു, എന്നാല്‍ സെക്കന്റുകള്‍ക്കുള്ളില്‍ എല്ലാം മാറിമറിഞ്ഞു. നീരാളി യുവതിയുടെ മൂക്കിലും ചുണ്ടിലും കവളിലുമെല്ലാം ഇറുക്കാന്‍ തുടങ്ങി. നീരാളിയുടെ പിടി വിടുവിക്കാന്‍ ആവുന്നത്ര യുവതി ശ്രമം നടത്തി. എന്നാല്‍ എല്ലാം വിഫലമായി. അത്രയും ശക്തിയോടെയായിരുന്നു നീരാളി യുവതിയുടെ മുഖത്ത് ഇറുക്കിപ്പിടിച്ചിരുന്നത്.
അല്‍പസമയത്തിനകം യുവതി കരയുവാന്‍ തുടങ്ങി. അസഹനീയ വേദനയായിരുന്നു യുവതി അനുഭവിച്ചത്. സര്‍വശക്തിയും എടുത്ത് ആഞ്ഞുവലിച്ച് ഒടുവില്‍ നീരാളിയെ മുഖത്തുനിന്ന് പറിച്ചെടുത്തു. മുഖത്ത് അവിടവിടെയായി മുറിഞ്ഞ് ചോര പൊടിഞ്ഞിട്ടുണ്ട്. വീഡിയോ പ്രത്യക്ഷപ്പെട്ട് ഒരുദിവസത്തിനുള്ളില്‍ തന്നെ ഇരുപത് ലക്ഷത്തിലധികം പേരാണ് കണ്ടത്, നിരവധി പേര്‍ ഇത് ഷെയര്‍ ചെയ്യുകയും ചെയ്തിട്ടുണ്ട്.
Discussion about this post