260 ടി-ഷര്‍ട്ടുകള്‍ ധരിച്ച് ഗിന്നസ് ലോക റെക്കോര്‍ഡ് സ്വന്തമാക്കി ടെഡ് ഹേസ്റ്റിങ്‌സ്. ഒന്നു പോലും ഊരി മാറ്റാതെ വിവിധ സൈസിലുള്ള ടി-ഷര്‍ട്ടുകള്‍ ധരിച്ചാണ് ടെഡ് റെക്കോര്‍ഡ് നേടിയത്. 2019 ലാണ് ഏറ്റവും കൂടുതല്‍ എണ്ണം ടി-ഷര്‍ട്ട് ഒറ്റയവസരത്തില്‍ ധരിച്ച വ്യക്തിയെന്ന റെക്കോഡ് ടെഡ് നേടിയത്.
ഗിന്നസ് വേള്‍ഡ് റെക്കോഡ്സ് ടെഡിന്റെ റെക്കോഡ് നേട്ടത്തിന്റെ വീഡിയോ അഞ്ചു ദിവസത്തിന് മുമ്പാണ് ഇന്‍സ്റ്റഗ്രാം പേജില്‍ ഷെയര്‍ ചെയ്തത്. ‘ഏറ്റവുമധികം ടി-ഷര്‍ട്ടുകള്‍ ഒറ്റയടിക്ക്-ടെഡ് ധരിച്ചത് 260’ എന്നാണ് വീഡിയോയ്ക്കൊപ്പം ഗിന്നസ് വേള്‍ഡ് റെക്കോഡ്സ് കുറിച്ചത്.
ടി-ഷര്‍ട്ടുകളിടാന്‍ മൂന്ന് നാല് പേര്‍ ടെഡിനെ സഹായിക്കുന്നുണ്ട്. മീഡിയം സൈസ് മുതല്‍ 20X സൈസ് വരെയുള്ള ടി-ഷര്‍ട്ടാണ് ടെഡ് ധരിച്ചത്. കിട്ടാവുന്നതില്‍ ഏറ്റവും വലിപ്പമുള്ളതും ടെഡിന് ധരിക്കാനാവുന്നതുമായ സൈസായിരുന്നു 20X.
Discussion about this post