കോട്ടയം: ബസ് ഓടികൊണ്ടിരിക്കെ ഹൃദയാഘാതം അനുഭവപ്പെട്ട കെഎസ്ആര്ടിസി ഡ്രൈവര് ബസ് റോഡരികില് ഒതുക്കിയിട്ട് മരണത്തിന് കീഴടങ്ങി. കോട്ടയം ഈരാറ്റുപേട്ട കെഎസ്ആര്ടിസി ഡിപ്പോയിലെ ഡ്രൈവറായ സാജു മാത്യു ആണ് മരിച്ചത്. ഞായറാഴ്ച രാവിലെ കോട്ടയം കോടിമതയ്ക്ക് സമീപമായിരുന്നു സംഭവം.
ബസ് കോട്ടയം സ്റ്റാന്ഡില് നിന്ന് പുറപ്പെട്ട് കുറച്ച് പോയശേഷമാണ് സംഭവം ഉണ്ടായത്. നിരവധി ജീവനുകളെ സംരക്ഷിക്കണമെന്ന തന്റെ കര്ത്തവ്യ ബോധമാണ് വന് ദുരന്തം ഒഴിവാക്കിയത്. സാജു സ്റ്റീയറിങ് വീലിലേയ്ക്ക് കുഴഞ്ഞു വീഴുകയായിരുന്നുവെന്ന് യാത്രക്കാര് പറഞ്ഞു.
ബസിലുണ്ടായിരുന്ന യാത്രക്കാരിയായ ഒരു നഴ്സും മറ്റു യാത്രക്കാരും ചേര്ന്ന് സാജുവിന് പ്രഥമ ശുശ്രൂഷ നല്കിയെങ്കിലും മരണത്തിന് കീഴടങ്ങുകയായിരുന്നു. ചെങ്ങന്നൂര് ഡിപ്പോയിലെ ഡ്രൈവറായ ടികെ ലാലും ബസിലുണ്ടായിരുന്നു. ഇദ്ദേഹം തുടര്ന്ന് ബസ് ഓടിച്ച് ജില്ലാ ആശുപത്രിയിലെത്തിച്ചെങ്കിലും സാജു മരിച്ചിരുന്നു.
Discussion about this post