പത്തനംതിട്ട: കുംഭമാസ പൂജകള്ക്കായി ശബരിമല നട ഇന്ന് വൈകീട്ട് അഞ്ച് മണിക്ക് തുറക്കും. സ്ത്രീകള് ശബരിമലയില് എത്താന് സാധ്യതയുണ്ടെന്ന സൂചനയെത്തുടര്ന്ന് സുരക്ഷ ശക്തമാക്കിയിരിക്കുകയാണ് പോലീസ്. അതോടൊപ്പം ജില്ലാ പോലീസ് സൂപ്രണ്ട് കഴിഞ്ഞ ദിവസം നിരോധനാജ്ഞ പ്രഖ്യാപിക്കണമെന്ന് ആവശ്യപ്പെട്ട് റിപ്പോര്ട്ട് നല്കിയിരുന്നു.
ഈ മാസം 17 ന് നട അടക്കുന്നത് വരെ നാല് സ്ഥലങ്ങളില് നിരോധനാജ്ഞ പ്രഖ്യാപിക്കണമെന്നാണ് ആവശ്യം. സന്നിധാനം, പമ്പ, നിലക്കല്, എന്നീ മൂന്ന് കേന്ദ്രങ്ങളിലും ഓരോ എസ് പിമാര്ക്കാണ് സുരക്ഷാ ചുമതല. . 2000ത്തോളം പൊലീസ് സേനാംഗങ്ങളെയും സുരക്ഷയ്ക്കായി നിയോഗിച്ചിട്ടുണ്ട്.
അതേസമയം യുവതികള് ദര്ശനത്തിനെത്തിയാല് പ്രതിഷേധങ്ങള് ഉണ്ടാകുമെന്ന് പറഞ്ഞ് ശബരിമല കര്മ്മ സമിതി രംഗത്തെത്തിയിട്ടുണ്ട്.
Discussion about this post