തിരുവനന്തപുരം: ലോക്സഭാ തെരഞ്ഞെടുപ്പില് കോണ്ഗ്രസിന്റെ സീറ്റ് കുറയ്ക്കുക എന്ന ലക്ഷ്യത്തോടെ സിപിഎമ്മും ബിജെപിയും കൈകോര്ക്കുന്നുവന്ന് പ്രതിപക്ഷ നേതാവ് രമേശ് ചെന്നിത്തല. എന്നാല് ഇത്തരം ബന്ധങ്ങള്ക്ക് കോണ്ഗ്രസിനെ തോല്പ്പിക്കാനാവില്ലെന്നും ചെന്നിത്തല പറഞ്ഞു.
സിപിഎമ്മും ആര്എസ്എസ്സും തമ്മിലുളള പാലം താനാണെന്നാണ് വത്സന് തില്ലങ്കേരി പറയുന്നതെന്നും. അത് ശബരിമലയില് കണ്ടതാണെന്നും ചെന്നിത്തല പറഞ്ഞു. നരേന്ദ്ര മോഡിയുടെ നേതൃത്വത്തിലുളള ബിജെപി സര്ക്കാരിനെ താഴെയിറക്കാന് ജനങ്ങള് ഒന്നാകെ രാഹുല് ഗാന്ധിയുടേയും കോണ്ഗ്രസിന്റെയും കൂടെ നില്ക്കുമെന്നതില് ഒരു സംശയവുമില്ലെന്നും രമേശ് ചെന്നിത്തല കൂട്ടിച്ചേര്ത്തു.
അതേസമയം സിപിഎം ബിജെപി ബന്ധത്തിന് കേരളജനത പ്രസക്തി നല്കില്ലെന്നും ചെന്നിത്തല പറഞ്ഞു. കോണ്ഗ്രസിന്റെ പിന്തുണയില്ലാതെ തിരുവനന്തപുരം കോര്പ്പറേഷനില് പോലും സിപിഎമ്മിന് നിലനില്ക്കാന് കഴിയില്ലയെന്നും ചെന്നിത്തല കൂട്ടിച്ചേര്ത്തു.
Discussion about this post