മലപ്പുറം: മലപ്പുറത്ത് മിനി ലോറി ദേഹത്ത് കയറി ഉടമ മരിച്ചു. എടക്കരയിൽ ഇന്നലെ രാത്രിയാണ് അപകടം. തോണിക്കൈ സ്വദേശി ഷിജു (കുട്ടൻ) ആണ് മരിച്ചത്. 48 വയസ്സായിരുന്നു.
വീടിന് സമീപം ചെറിയ ഇറക്കത്തിലുളള വഴിയിലാണ് മിനി ലോറി ഷിജു നിര്ത്തിയിട്ടത്. ലോറി ഉരുണ്ട് വന്ന് ദേഹത്ത് കയറിയാണ് അപകടം ഉണ്ടായത്. ഷിജുവിൻ്റെ സ്വന്തം വാഹനമാണ്. ഡ്രൈവറും ഷിജു തന്നെയാണ്.
വാഹനത്തിൽ നിന്നും വീട്ടു സാധനങ്ങള് എടുത്ത് വഴിയിലൂടെ മുന്നോട്ടു നടക്കുന്നതിനിടയിൽ വാഹനം ഉരുണ്ടു വന്ന് ദേഹത്ത് തട്ടുകയായിരുന്നു. വഴിയിലേക്ക് വീണ ഷിജുവിന്റെ കഴുത്തിലൂടെ വാഹനം കയറിയിറങ്ങി.
സംഭവസ്ഥലത്തുവെച്ചു തന്നെ ഷിജു മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും.
Discussion about this post