കൊച്ചി: കേരളത്തില് ഏറെ കോളിളക്കം ഉണ്ടാക്കിയ നടന് ഷൈന് ടോം ചാക്കോക്കെതിരായ ലഹരി കേസില് പൊലീസിന് കനത്ത തിരിച്ചടി. ഷൈന് ടോം ചാക്കോ ലഹരി ഉപയോഗിച്ചുവെന്ന് ഫോറന്സിക് പരിശോധനയില് തെളിയിക്കാനായില്ല.
കഴിഞ്ഞദിവസമാണ് ഫോറന്സിക് റിപ്പോര്ട്ട് പുറത്തുവന്നത്. കഴിഞ്ഞ ഏപ്രിലില് ആണ് സംഭവം. പൊലീസിന്റെ ലഹരി പരിശോധനയ്ക്കിടെ നടന് ഷൈന് ടോം ചാക്കോ എറണാകുളം നോര്ത്തിലെ ഹോട്ടല് മുറിയില് നിന്നും ഇറങ്ങി ഓടി രക്ഷപ്പെടുകയായിരുന്നു എന്നായിരുന്നു പൊലീസ് പറഞ്ഞത്.
ഹോട്ടല് മുറിയെടുത്ത് ഷൈനും സുഹൃത്തും ലഹരി ഉപയോഗിച്ചുവെന്നാണ് കേസ്. കേസുമായി ബന്ധപ്പെട്ട് അന്ന് ഷൈന് ടോം ചാക്കോയെ മണിക്കൂറുകളോളമാണ് ചോദ്യം ചെയ്തത്.
Discussion about this post