പത്തനംതിട്ട: ശബരിമല തീര്ഥാടകര് സഞ്ചരിച്ചിരുന്ന ബസ് നിയന്ത്രണംവിട്ട് അപകടത്തില്പ്പെട്ടു. പത്തനംതിട്ടയിലെ തുലാപ്പള്ളി ആലപ്പാട്ട് ജംഗ്ഷനില് ഇന്ന് രാവിലെ 7.45ഓടെയായിരുന്നു അപകടം.
അപകടത്തിൽ മൂന്ന് പേര്ക്ക് ഗുരുതരമായി പരിക്കേറ്റു.
ഇറക്കത്തില് നിയന്ത്രണം നഷ്ടപ്പെട്ട ബസ് ശബരിമല തീര്ഥാടകര് സഞ്ചരിച്ചിരുന്ന മറ്റൊരു ബസിലും രണ്ട് കാറുകളിലും ഇടിച്ച ശേഷമാണ് നിന്നത്.
കാറിലുണ്ടായിരുന്ന യാത്രക്കാര്ക്കാണ് അപകടത്തില് സാരമായി പരിക്കേറ്റത്. പരിക്കേറ്റ തീര്ത്ഥാടകരെ എരുമേലിയിലെ ആശുപത്രിയില് പ്രവേശിപ്പിച്ചു. നിസാര പരിക്കേറ്റവരെ നിലക്കലിലെ ആശുപത്രിയിലും പ്രവേശിപ്പിച്ചിട്ടുണ്ട്.
Discussion about this post