കൊച്ചി: പച്ചക്കറി വില കുതിച്ചുയരുകയാണ്. ഇതിൽ സാധാരണക്കാർക്ക് ഒട്ടും വാങ്ങാൻ കഴിയാത്ത രീതിയിൽ വില റോക്കറ്റ് പോലെ കുത്തനെ മുകളിലേക്ക് പോയത് മുരിങ്ങക്കായക്കാണ്. വില ഇപ്പോള് 600 രൂപ വരെയെത്തി നില്ക്കുകയാണ്.
ആഴ്ചകള്ക്ക് മുന്പ് കിലോയ്ക്ക് 135-150 രൂപയാണ് ഉണ്ടായിരുന്നത്. വില കൂടിയതോടെ വലിയ കടകളില് പോലും ഏതാനും കിലോ മുരിങ്ങക്കായ മാത്രമാണ് വില്പ്പനയ്ക്ക് വച്ചിരിക്കുന്നത്.
മണ്ഡലകാലത്ത് ദക്ഷിണേന്ത്യന് സംസ്ഥാനങ്ങളില് മുരിങ്ങക്കായയ്ക്ക് ആവശ്യക്കാര് കൂടുതലാണ്.
അതിനാല് വില ഉയരുന്നത് പതിവാണ് എന്ന് വ്യാപാരികൾ പറയുന്നു.
കേരളത്തിലെ മാര്ക്കറ്റുകളിലേക്ക് പ്രധാനമായി തമിഴ്നാട്ടില് നിന്നാണ് മുരിങ്ങക്കായ എത്തുന്നത് എന്നും ഇത്തവണ കാലാവസ്ഥ പ്രതികൂലമായതോടെ ഉല്പ്പാദനവും കുറഞ്ഞിട്ടുണ്ട് എന്നും വ്യാപാരികൾ കൂട്ടിച്ചേർത്തു.
കഴിഞ്ഞ വര്ഷം 500 രൂപ വരെ വില ഉയര്ന്നിരുന്നു. ഇത്ര വലിയ വില നല്കി ആരും വാങ്ങില്ലെന്നതിനാല് സാധനം എടുക്കുന്നില്ലെന്നാണ് വ്യാപാരികള് പറയുന്നത്.
Discussion about this post