പത്തനംതിട്ട: ശബരിമലയിൽ എത്തിയ ഒരു തീർത്ഥാടകനും ദർശനം കിട്ടാതെ മടങ്ങിപ്പോകരുത് എന്ന് പൊലീസ് കോഓര്ഡിനേറ്റര് എഡിജിപി എസ് ശ്രീജിത്ത്.
ശബരിമലയിൽ ദര്ശനം കിട്ടാതെ മടങ്ങിയ പാരിപ്പള്ളിയിൽ നിന്നുള്ള തീര്ത്ഥാടകരെ ശ്രീജിത്ത് ഫോണിൽ തിരികെ വിളിച്ചു. ആരും മടങ്ങിപോകരുതെന്നും പൊലീസ് സുരക്ഷയിൽ ദര്ശനം ഉറപ്പാക്കുമെന്നും ശ്രീജിത്ത് ഫോണിലൂടെ തീര്ത്ഥാടകര്ക്ക് ഉറപ്പുനൽകി.
പാരിപ്പള്ളിയിൽ നിന്ന് എത്തിയ സ്ത്രീകളടക്കമുള്ള 17 അംഗ തീര്ത്ഥാടക സംഘം ദര്ശനം നടത്താതെ മടങ്ങിയിരുന്നു. ഇന്നലെ ഉച്ചയ്ക്ക് പമ്പയിൽ എത്തിയ സംഘം മരക്കൂട്ടം വരെ എത്തിയിരുന്നു.
എന്നാൽ, തുടര്ന്നുള്ള മലകയറ്റം വലിയ തിരക്ക് മൂലം നടന്നില്ലെന്നും മടങ്ങിപോവുകയാണെന്നുമായിരുന്നു.
Discussion about this post