കോട്ടയം: ചികിത്സാ പിഴവിനെ തുടര്ന്ന് യുവതി മരിച്ചതായി പരാതി. കോട്ടയം മെഡിക്കല് കോളജ് ആശുപത്രിക്കെതിരെയാണ് ഗുരുതര ആരോപണവുമായി 49കാരിയുടെ ബന്ധുക്കൾ രംഗത്തെത്തിയത്.
കോതനല്ലൂര് സ്വദേശി ശാലിനി അംബുജാക്ഷന് (49) അണ് മരിച്ചത്. ഇന്നലെ രാവിലെ ആറു മണിക്ക് ഗൈനകോളജി വിഭാഗത്തില് ഡി ആന്ഡ് സി പരിശോധനക്കായി എത്തിയതായിരുന്നു ശാലിനി.
ശാലിനിക്ക് ബി.പിയോ ഷുഗറോ മറ്റ് ആരോഗ്യപ്രശ്നം ഒന്നും ഉണ്ടായിരുന്നില്ലെന്ന് ബന്ധുക്കൾ പറയുന്നു. മകളോടപ്പം ഓട്ടോറിക്ഷയില് ആശുപത്രിയിലെത്തിയ ശാലിനി ഗൈനകോളജി വിഭാഗത്തിൽ എത്തി.
ഇവിടെ നിന്നും ശാലിനിക്ക് ഗുളിക നൽകിയിരുന്നു. 15 മിനിറ്റ് കഴിഞ്ഞ് ശാരീരിക ബുദ്ധിമുട്ട് ഉണ്ടാകുകയും പെട്ടെന്ന് അബോധാവസ്ഥയില് ആകുകയും ചെയ്തു
പിന്നീട് ശാലിനിയെ വെന്റിലേറ്ററിലേക്ക് മാറ്റി.
തുടര്ന്ന് ചലനമില്ലാതെ കിടന്ന ശാലിനി പുലര്ച്ചെ അഞ്ച് മണിയോടെ മരിച്ചെന്ന് ആശുപത്രി അധികൃതര് അറിയിക്കുകയായിരുന്നു. ചികിത്സാ പിഴവ് മൂലമാണ് ശാലിനി മരിച്ചതെന്ന് ആരോപിച്ച് ബന്ധുക്കള് ഗാന്ധി നഗര് പൊലീസില് പരാതി നല്കി.
സംഭവത്തില് അസ്വഭാവിക മരണത്തിന് കേസെടുത്തതായി ഗാന്ധിനഗര് പൊലീസ് അറിയിച്ചു.
Discussion about this post