പാലക്കാട്: വിദ്യാര്ത്ഥിയെ ഭാരതപ്പുഴയിൽ ഒഴുക്കിൽപെട്ട് കാണാതായി. മാത്തൂർ ചുങ്കമന്ദം സ്വദേശിയായ വിദ്യാർത്ഥിയെയാണ് ഒഴുക്കിൽപ്പെട്ടത്. തിരച്ചിൽ ഊർജിതമാക്കിയിരിക്കുകയാണ്.
ഭാരതപ്പുഴയിൽ വിദ്യാർത്ഥികളാണ് ഒഴുക്കിൽപെട്ടത്. 18 വയസുള്ള വിദ്യാര്ത്ഥികളാണ് ഒഴുക്കിൽപെട്ടത്. കുളിക്കുന്നതിനിടെ കാൽ വഴുതി പുഴയിലേക്ക് വീഴുകയായിരുന്നു എന്നാണ് വിവരം.
ഒരാളെ രക്ഷപ്പെടുത്തിയതായി കോട്ടായി പൊലീസ് അറിയിച്ചു. രണ്ടാമനായി തിരച്ചിൽ തുടരുകയാണ്. കോട്ടായി സ്വദേശിയായ അഭിജിത്ത് എന്ന വിദ്യാര്ത്ഥിയെ ആണ് രക്ഷപ്പെടുത്തിയത്. കുന്നംപറമ്പ് തണ്ണിക്കോട് താമസിക്കുന്ന സവിതയുടെ മകൻ സുഗുണേഷ്(18)നെയാണ് കാണാതായത്.
ഇന്ന് ഉച്ചയ്ക്ക് 12.30 ഓടെയാണ് സംഭവം. അഗ്നി രക്ഷാസേനയുടെ മുങ്ങൽ വിദഗ്ധരുള്പ്പടെ സ്ഥലത്തെത്തി തെരച്ചിൽ നടത്തുകയാണ്. രക്ഷപ്പെടുത്തിയ വിദ്യാർഥിയെ ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്.
Discussion about this post