തൃശൂർ: കളിമൺ പാത്രത്തിന് കമ്മീഷൻ വാങ്ങിയ കേസിൽ അറസ്റ്റിലായ കളിമൺ പാത്ര നിർമ്മാണ ക്ഷേമ കോർപ്പറേഷൻ ചെയർമാനെ നീക്കി. കെഎൻ കുട്ടമണിക്കെതിരെയാണ് നടപടി.
മൂവായിരത്തി അറുനൂറ് ചെടിച്ചട്ടി ഇറക്കുന്നതിന് പതിനായിരം രൂപയാണ് മണ്ചട്ടി നിര്മാതാക്കളില് നിന്ന് കൈക്കൂലിയായി വാങ്ങിയത്.ചിറ്റിശേരിയിലിലുള്ള ചെടിച്ചട്ടി നിര്മാതാക്കളില് നിന്നാണ് കൈക്കൂലി വാങ്ങിയത്.
വളാഞ്ചേരിയിലെ കൃഷിഭവന് വഴി ചെടിച്ചട്ടി വിതരണം ചെയ്യുന്നതിനുള്ള ടെണ്ടര് കൈകാര്യം ചെയ്യുന്നത് കുട്ടമണി ചെയര്മാനായ കോര്പ്പറേഷനായിരുന്നു. ചിറ്റിശേരി സ്വദേശികളും ടെണ്ടറില് പങ്കെടുത്തിരുന്നു.
ചട്ടിയൊന്നിന് 95 രൂപയ്ക്കാണ് ടെണ്ടര് ലഭിച്ചത്.
ആറായിരം ചട്ടി നിര്മ്മിക്കാമോയെന്ന് കോര്പ്പറേഷനിൽ നിന്ന് വിളിച്ചു ചോദിച്ചതല്ലാതെ തുടര് നടപടികളുണ്ടായില്ല. വളാഞ്ചേരിയിലെ കൃഷിഭവനിലന്വേഷിച്ചപ്പോള് നൂറില് താഴെ ചട്ടികള് മറ്റൊരു കൂട്ടര് ഇറക്കിവച്ചതായി വിവരവും ലഭിച്ചു.
തുടർന്ന് പരാതിയുമായി മുന്നോട്ട് പോകാന് തുടങ്ങുന്നതിനിടെയാണ് 3642 ചെടിച്ചട്ടികള് നല്കാനുള്ള ഓഡര് നല്കുന്നത്. കൂടുതല് ഓഡർ വേണമെങ്കില് ചട്ടി ഒന്നിന് മൂന്നു രൂപ കൈക്കൂലി നല്കണമെന്ന് കുട്ടമണി ഫോണില് ആവശ്യപ്പെട്ടു.
തുടര്ന്നായിരുന്നു ചട്ടി നിര്മാണ യൂനിറ്റുടമകള് വിജിലന്സിനെ സമീപിച്ചത്.
Discussion about this post