മലപ്പുറം : ഒരു കുടുംബത്തിലെ മൂന്ന് പേർക്ക് മലമ്പനി സ്ഥിരീകരിച്ചു. മലപ്പുറത്ത് ആണ് സംഭവം. അതിഥി തൊഴിലാളി കുടുംബത്തിലെ മൂന്ന് പേർക്കാണ് മലമ്പനി സ്ഥിരീകരിച്ചത്.
വണ്ടൂർ അമ്പലപടിയിൽ വാടകയ്ക്ക് താമസിക്കുകയാണ് ഇവർ. നാല് ദിവസം മുമ്പാണ് ഇവർ ഉത്തർപ്രദേശിൽ നിന്നും വണ്ടൂരിലെത്തിയത്.
മൂന്നുപേരും ആശുപത്രിയിൽ ചികിത്സയിലാണ്. മലമ്പനി സ്ഥിരീകരിച്ച സാഹചര്യത്തിൽ ആരോഗ്യവകുപ്പ് പ്രതിരോധ പ്രവർത്തനങ്ങൾ ഊർജിതമാക്കി.
പ്രതിരോധ പ്രവർത്തനവും വീടുകൾ കയറി ബോധവത്ക്കരണവും ആരംഭിച്ചു.
Discussion about this post