കോട്ടയം: സംസ്ഥാനത്ത് ദുര്ഗാഷ്ടമി പ്രമാണിച്ച് ചൊവ്വാഴ്ച പൊതു അവധി ആവശ്യപ്പെട്ട് കത്ത് നല്കിയിരുന്നെന്ന് എന്എസ്എസ് ജനറല് സെക്രട്ടറി ജി സുകുമാരന് നായര്.
എന്എസ്എസിന്റെ സമദൂര നിലപാടില് മാറ്റമില്ലെന്നും ഇപ്പോള് സ്വീകരിച്ചത് ശരിദൂരമാണെന്നും ഒരു രാഷ്ട്രീയ പാര്ട്ടിയോടും അനുകൂല നിലപാട് എന്എസ്എസിന് ഇല്ല എന്നും സുകുമാരന് നായര് പറഞ്ഞു.
സമദൂര നയത്തില് നിന്ന് ഒരിക്കലും മാറ്റമുണ്ടായിട്ടില്ല. മന്നത്ത് പത്മനാഭന്റെ കാലത്തുള്ള നിലപാട് തന്നെയാണ് തുടരുന്നത്. അയ്യപ്പ സംഗമത്തില് എന്എസ്എസ് പ്രതിനിധി പങ്കെടുത്തത് സമദൂര നയത്തില് നിന്നുള്ള മാറ്റമാണെന്നത് മാധ്യമങ്ങളുടെ വ്യാഖ്യാനമാണ് എന്നും സുകുമാരന് നായര് പറഞ്ഞു.
Discussion about this post