കൊച്ചി: ഓപ്പറേഷന് നുംഖോറിന്റെ ഭാഗമായി കസ്റ്റംസ് പിടിച്ചെടുത്ത വാഹനം വിട്ടുനൽകണമെന്ന് ആവശ്യപ്പെട്ട് നടന് ദുല്ഖര് സല്മാന് ഹൈക്കോടതിയില്.
വാഹനങ്ങള് വാങ്ങിയത് നിയമവിധേയമായിട്ടാണ്. ഇതുമായി ബന്ധപ്പെട്ട രേഖകള് പരിശോധിക്കാതെ വാഹനം പിടിച്ചെടുത്തത് നിയമവിരുദ്ധമാണ് എന്നും ഉദ്യോഗസ്ഥരുടെ നടപടി റദ്ദാക്കി, പിടിച്ചെടുത്ത വാഹനം തിരികെ വിട്ടു നല്കാന് നിര്ദേശിക്കണമെന്നും ഹര്ജിയില് ദുല്ഖര് സല്മാന് ആവശ്യപ്പെട്ടിട്ടുണ്ട്.
നടൻ്റെ ഒരു വാഹനമാണ് കസ്റ്റംസ് കസ്റ്റഡിയിലെടുത്തത്. ഓപ്പറേഷന് നുംഖോറുമായി ബന്ധപ്പെട്ട് ദുല്ഖറിന്റെ രണ്ടു ലാന്ഡ് റോവറുകള് ഉള്പ്പെടെ നാലു വാഹനങ്ങളാണ് കസ്റ്റംസിന്റെ സംശയ നിഴലിലുള്ളതെന്നാണ് റിപ്പോര്ട്ട്.
Discussion about this post