കൊച്ചി: റെക്കോര്ഡുകള് ഭേദിച്ച് സംസ്ഥാനത്ത് സ്വര്ണവില കുതിച്ചുയരുകയാണ്. ഇന്ന് വീണ്ടും വില വർധിച്ചു. ഇന്ന് രാവിലെ 320 രൂപ വര്ധിച്ച സ്വര്ണവില ഉച്ചയോടെ വീണ്ടും 360 രൂപ കൂടുകയായിരുന്നു.
ഇതോടെ ഒരുപവൻ സ്വർണ്ണത്തിൻ്റെ വില 82,920 രൂപയായി ഉയർന്നു. ഗ്രാമിന് 45 രൂപ കൂടി വര്ധിച്ചു. 10,365 രൂപയായാണ് ഗ്രാമിന്റെ വില ഉയര്ന്നത്. നികുതിയും പണിക്കൂലിയും കൂടി ചേരുമ്പോള് വില ഇനിയും ഉയരും.
സെപ്തംബര് 9 നാണ് സംസ്ഥാനത്തെ സ്വര്ണവില എണ്പതിനായിരം പിന്നിട്ടത്. മൂന്നാഴ്ചക്കിടെ പവന് 5000 രൂപയിലധികമാണ് വര്ധിച്ചത്. രാജ്യാന്തര വിപണിയില് സ്വര്ണവിലയില് ഉണ്ടായ വര്ധന സംസ്ഥാനത്തും പ്രതിഫലിക്കുകയായിരുന്നു.
യുഎസ് പലിശ നിരക്ക് കുറച്ചതായിരുന്നു കഴിഞ്ഞ ദിവസങ്ങളില് സ്വര്ണവിലയുടെ ഇടിവിന് കാരണമായത്. എന്നാല് കൂടുതല് ആവശ്യക്കാര് എത്തിയതോടെയാണ് സ്വര്ണവില വീണ്ടും ഉയര്ന്നത്.
Discussion about this post