മലപ്പുറം: മലപ്പുറത്ത് റോഡ് പരിപാലനത്തിൽ വീഴ്ച വരുത്തിയ സംഭവത്തിൽ മൂന്ന് ഉദ്യോഗസ്ഥക്കെതിരെ കടുത്ത നടപടിയുമായി പൊതുമരാമത്ത് മന്ത്രി പി എ മുഹമ്മദ് റിയാസ്.
മഞ്ചേരി ഡിവിഷനിലെ എക്സിക്യൂട്ടീവ് എഞ്ചിനീയര്, പെരിന്തല്മണ്ണ ഉപവിഭാഗത്തിലെ അസിസ്റ്റന്റ് എക്സിക്യൂട്ടീവ് എഞ്ചിനീയര്, പെരിന്തല്മണ്ണ സെക്ഷന് അസിസ്റ്റന്റ് എഞ്ചിനീയര് എന്നിവരെ സസ്പെന്ഡ് ചെയ്യാന് മന്ത്രി നിര്ദേശം നല്കി.
നിര്മാണ പ്രവൃത്തിക്ക് തുക അനുവദിച്ചിട്ടും കൃത്യ സമയത്ത് സാങ്കേതിക അനുമതി നേടി ടെണ്ടറിങ് പ്രക്രിയ ആരംഭിക്കാത്തതിനെ തുടര്ന്നാണ് നടപടി.
ഇക്കാര്യത്തിൽ പൊതുജനങ്ങളില് നിന്നും പരാതി ലഭിച്ചിരുന്നു.
തുടർന്ന്, ഇക്കാര്യം അന്വേഷിക്കാന് പൊതുമരാമത്ത് മന്ത്രി നിരത്ത് വിഭാഗം ചീഫ് എഞ്ചിനീയര്ക്ക് നിര്ദേശം നല്കിയിരുന്നു. ചീഫ് എഞ്ചിനീയര് സമര്പ്പിച്ച റിപ്പോര്ട്ടിന്റെ അടിസ്ഥാനത്തിലാണ് നടപടി.
പൊതുജനങ്ങള് പരാതി ഉന്നയിച്ചപ്പോള് ഭരണാനുമതി ലഭിച്ചില്ലെന്ന തെറ്റായ മറുപടിയാണ് ചില ഉദ്യോഗസ്ഥര് നല്കിയത്. ഇത് സംബന്ധിച്ച് വിശദമായ അന്വേഷണത്തിന് പൊതുമരാമത്ത് വിജിലന്സ് വിഭാഗത്തെ ചുമതലപ്പെടുത്തിയിട്ടുണ്ടെന്നും മന്ത്രി അറിയിച്ചു.
Discussion about this post