കുണ്ടന്നൂർ: കൃഷിയിടത്തിൽ പൊട്ടി വീണ വൈദ്യുതി കമ്പിയിൽ നിന്ന് ഷോക്കേറ്റ് യുവതിക്ക് ദാരുണാന്ത്യം.
തൃശ്ശൂരിൽ ആണ് ദാരുണ സംഭവം. കുണ്ടന്നൂർ തെക്കേക്കര മാളിയേക്കൽ വീട്ടിൽ ബെന്നിയുടെ ഭാര്യ ജൂലിയാണ് ഷോക്കേറ്റ് മരിച്ചത്.
48 വയസ്സായിരുന്നു. ബെന്നിയുടെ ഒപ്പം ഉണ്ടായിരുന്ന ഭർത്താവ് ബെന്നിയ്ക്ക് ഷോക്കേറ്റു. എന്നാൽ ഇയാൾ
അത്ഭുതകരമായി രക്ഷപ്പെട്ടു.വെള്ളിയാഴ്ച രാവിലെ ഒൻപത് മണിയോടെ എരുമപ്പെട്ടി കുണ്ടന്നൂരിൽ ആണ് അപകടമുണ്ടായത്.
വീടിനോട് ചേർന്നുള്ള കൃഷിയിടത്തിൽ തേങ്ങ പെറുക്കാനായി പോയപ്പോഴായിരുന്നു അപകടം. പറമ്പിലെ മോട്ടോർ പുരയിലേക്ക് പോയിരുന്ന വൈദ്യുതി ലൈൻ പൊട്ടിവീണ് അതിൽ നിന്നാണ് ജൂലിക്ക് ഷോക്കേറ്റത്.
പരിക്കേറ്റ ജൂലിയെ ഉടനെ തൃശ്ശൂർ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Discussion about this post