ശ്രീനഗര്: പാകിസ്ഥാന് ഷെല്ലാക്രമണത്തില് മാതാപിതാക്കളെയോ കുടുംബത്തിന്റെ അത്താണിയെയോ നഷ്ടപ്പെട്ട 22 കുട്ടികളെ ലോക്സഭ പ്രതിപക്ഷ നേതാവ് രാഹുല് ഗാന്ധി ഏറ്റെടുക്കും. അനാഥരായ ഈ കുട്ടികളുടെ വിദ്യാഭ്യാസം, ബിരുദം പൂര്ത്തിയാകുന്നത് വരെ രാഹുല് ഗാന്ധി പൂര്ണമായും ഏറ്റെടുക്കുമെന്ന് ജമ്മു കശ്മീര് കോണ്ഗ്രസ് അധ്യക്ഷന് താരിഖ് ഹമീദ് കാറയെ ഉദ്ധരിച്ച് ദി ഇന്ത്യന് എക്സ്പ്രസ് റിപ്പോര്ട്ട് ചെയ്തു.
വിദ്യാര്ത്ഥികള്ക്ക് പഠനം മുടക്കമില്ലാതെ തുടരാന് ഈ ആഴ്ച തന്നെ ആദ്യഘട്ട സഹായധനം വിതരണം ചെയ്യുമെന്ന് അദ്ദേഹം പറഞ്ഞു. മെയ് മാസത്തില് പൂഞ്ച് സന്ദര്ശിച്ചപ്പോള്, രാഹുല് ഗാന്ധി ദുരിതബാധിതരായ കുട്ടികളുടെ ഒരു ലിസ്റ്റ് തയ്യാറാക്കാന് പ്രാദേശിക പാര്ട്ടി നേതാക്കളോട് ആവശ്യപ്പെട്ടിരുന്നു. തുടര്ന്ന് നടത്തിയ സര്വേയ്ക്ക് ശേഷം സര്ക്കാര് രേഖകള് പരിശോധിച്ച് കുട്ടികളുടെ പേരുകള് അന്തിമമാക്കിയിട്ടുണ്ട്.
Discussion about this post