ആലപ്പുഴ: വി.എസ് അച്യുതാനന്ദന്റെ സംസ്കാര ചടങ്ങുമായി ബന്ധപ്പെട്ട് ആലപ്പുഴ നഗരത്തില് ഗതാഗത നിയന്ത്രണം. സംസ്കാര ചടങ്ങ് കഴിയുന്നതുവരെയാണ് ഗതാഗത നിയന്ത്രണം ഏര്പ്പെടുത്തിയിരിക്കുന്നത്. ഗതാഗത നിയന്ത്രണവുമായി പൊതുജനങ്ങള് സഹകരിക്കണമെന്നും നിര്ദേശങ്ങള് പാലിക്കണമെന്നും പൊലീസ് അറിയിച്ചു.
കെഎസ്ആര്ടിസി ദീര്ഘ ദൂര ബസുകള് ബൈപ്പാസ് വഴി പോകാനും നഗരത്തിലേക്ക് പ്രവേശിക്കരുതെന്നും അറിയിപ്പുണ്ട്. ചേര്ത്തല ഭാഗത്തുനിന്ന് വരുന്ന ദീര്ഘദൂര സര്വീസുകള് രാവിലെ ഒമ്പത് മണി മുതല് വൈകിട്ട് അഞ്ച് മണി വരെ കൊമ്മാടി ബൈപ്പാസ് കയറി കളര്കോട് വഴി അമ്പലപ്പുഴ ഭാഗത്തേക്ക് പോകണം.
അമ്പലപ്പുഴ ഭാഗത്തുനിന്ന് വരുന്ന ദീര്ഘദൂര സര്വീസുകള് കളര്കോട് ബൈപ്പാസ് കയറി ചേര്ത്തല ഭാഗത്തേക്ക് പോകണമെന്നും കെഎസ്ആര്ടിസി അധികൃതര് അറിയിച്ചു.
Discussion about this post