ആലപ്പുഴ: ആലപ്പുഴയിലെ ഹൈബ്രിഡ് കഞ്ചാവ് വേട്ടയില് സിനിമ മേഖലയിലേക്ക് അന്വേഷണം വ്യാപിപ്പിച്ച് എക്സൈസ്. പ്രതികള് രണ്ട് സിനിമാ താരങ്ങളുടെ പേരുകളാണ് വെളിപ്പെടുത്തിയതെന്ന് ഡെപ്യൂട്ടി എക്സൈസ് കമ്മിഷണര് എസ് വിനോദ് കുമാര് പറഞ്ഞു.
പ്രതികളുമായി ഇവര്ക്കുള്ള ബന്ധത്തെ കുറിച്ച് അന്വേഷണം തുടങ്ങിയിട്ടുണ്ട്. ആവശ്യമെങ്കില് സിനിമ താരങ്ങളെ നോട്ടീസ് അയച്ച് വിളിപ്പിക്കുമെന്നും എക്സൈസ് അറിയിച്ചു.
കൂടുതല് കണ്ണികള്ക്കായി അന്വേഷണം തുടങ്ങിയിരിക്കുകയാണ് എക്സൈസ് സംഘം. വര്ഷങ്ങളായി സിനിമ മേഖലയില് സജീവമാണ് ഇന്നലെ പിടിയിലായ തസ്ലിമ സുല്ത്താന. തിരക്കഥ വിവര്ത്തനമാണ് ഇവരുടെ ജോലി. തസ്ലിമയ്ക്ക് എട്ട് ഭാഷകളില് പ്രാവീണ്യമുണ്ട്. പ്രതികളെ ഉടന് കസ്റ്റഡിയില് വാങ്ങി കൂടുതല് ചോദ്യം ചെയ്യും.
ഹൈടെക് ഇടപാടുകളാണ് ലഹരിക്കടത്തില് നടന്നതെന്നും എക്സൈസ് സംഘം പറയുന്നു. വാട്സ്ആപ്പ് ഇന്സ്റ്റഗ്രാം അക്കൗണ്ടുകള് വഴിയാണ് പ്രതികള് ഇടപാട് നടത്തിയത്. പ്രതികളുടെ മൊബൈല് ഫോണ് വിശദാംശങ്ങള് ഉടന് ശേഖരിക്കും. നിലവില് വാട്സ്ആപ് ചാറ്റുകള് ഡിലീറ്റ് ചെയ്ത നിലയിലാണ്. ഇന്സ്റ്റഗ്രാമിലൂടെയും ഇടപാടുകല് നടത്തി. ചാറ്റുകള് വീണ്ടെടുക്കാന് മൊബൈല് ഫോണ് ശാസ്ത്രീയ പരിശോധനയ്ക്ക് അയക്കുമെന്ന് എക്സൈസ് അറിയിച്ചു.
Discussion about this post