കൊല്ലം: ഷാർജയിൽ ജീവനൊടുക്കിയ വിപഞ്ചിക മണിയന് മകള് വൈഭവിയുടെ മൃതദേഹം ഷാര്ജയില് സംസ്കരിക്കാനുള്ള നീക്കം ഇന്ത്യന് കോണ്സുലേറ്റിന്റെ ഇടപെടലിനെ തുടര്ന്ന് മാറ്റി.
ഇരുവരുടെയും മൃതദേഹങ്ങള് നാട്ടില് സംസ്കരിക്കണമെന്ന് ആവശ്യപ്പെട്ടു വിപഞ്ചികയുടെ മാതാവ് ഷൈലജ ഇന്ത്യന് കോണ്സുലേറ്റിനെ സമീപിച്ചിരുന്നു.
വിപഞ്ചികയുടെ ഭര്ത്താവ് നിതീഷിനെ കോണ്സുലേറ്റില് വിളിച്ചു വരുത്തി നടത്തിയ ചര്ച്ചകള്ക്കൊടുവിലാണ് മൃതദേഹം തിരികെ മോര്ച്ചറിയിലേക്ക് കൊണ്ടുപോയത്.
അതേസമയം, വിപഞ്ചികയുടെ ആത്മഹത്യയുമായി ബന്ധപ്പെട്ട കേസ് സംസ്ഥാന ക്രൈംബ്രാഞ്ചിന് കൈമാറും. വിപഞ്ചികയുടെ അമ്മ നല്കിയ പരാതിയില് കഴിഞ്ഞ ദിവസം കുണ്ടറ പൊലീസ് നിതീഷി നെതിരെ കേസെടുത്തിരുന്നു.
ഇയാളുടെ സഹോദരി നീതു രണ്ടാം പ്രതിയും പിതാവ് മോഹനന് മൂന്നാം പ്രതിയുമാണ്. ആത്മഹത്യ പ്രേരണ, സ്ത്രീധന പീഡനം, ഗാര്ഹിക പീഡനം തുടങ്ങിയ വകുപ്പുകള് പ്രകാരമായിരുന്നു കേസ് എടുത്തിരുന്നത്.
Discussion about this post