തൊടുപുഴ: തൊടുപുഴയിൽ മധ്യ വയസ്കനെ റബര് തോട്ടത്തിലെ ഷെഡിന് സമീപം മരിച്ച നിലയില് കണ്ടെത്തി. മേത്തൊട്ടി കൈതക്കണ്ടത്തില് ജോസഫ് ആണ് മരിച്ചത്.
57 വയസ്സായിരുന്നു. ഇയാള് പൂമാലയിലെ ഒരു പുരയിടം നോക്കി നടത്തുകയായിരുന്നു. തോട്ടത്തിലെ ഷെഡിലായിരുന്നു ജോസഫ് താമസിച്ചിരുന്നത്. പൂമാല ടൗണില് എത്തിയിട്ട് തിരികെ ഷെഡിലേയ്ക്ക് നടന്നു പോകുമ്പോള് കുഴഞ്ഞു വീണതാകാമെന്ന് പൊലീസ് പറഞ്ഞു.
മൃതദേഹം തൊടുപുഴ ജില്ലാ ആശുപത്രിയില് പോസ്റ്റ്മോര്ട്ടം നടത്തി. ഹൃദയാഘാതമാണ് കാരണകാരണമെന്നാണ് പോസ്റ്റുമോർട്ടം റിപ്പോർട്ട്.
ഇന്ക്വിസ്റ്റ് നടപടികള് പൂര്ത്തിയാക്കി മൃതദേഹം ബന്ധുക്കള്ക്ക് വിട്ടുനല്കി ഭാര്യ: വത്സ. മക്കള് ജിനു, മനു. സംസ്കാരം നടത്തി
Discussion about this post