കൊച്ചി: വാഹന മോഷണക്കേസില് ബിജെപി നേതാവിൻ്റെ മകൻ അറസ്റ്റില്. ബിജെപി എറണാകുളം സോണല് പ്രസിഡന്റ് എംഎ ബ്രഹ്മരാജിന്റെ മകന് അഭിജിത്ത് ഉൾപ്പെടെ 5 പേരാണ് അറസ്റ്റിലായത്.
കൊല്ലം സ്വദേശിയായ ജോയ് മോന്, എറണാകുളം സ്വദേശികളായ ഉമര് ഉള് ഫാറൂഖ്, അഭിജിത്ത്, രാഹുല്, മുഹമ്മദ് ബാസിത്ത് എന്നിവരാണ് അറസ്റ്റിലായത്.
നെടുങ്കണ്ടം പൊലീസ് ആണ് അറസ്റ്റ് ചെയ്തത്. തിരിച്ചടവ് മുടങ്ങിയപ്പോള് ഫിനാന്സ് കമ്പനി ലേലത്തില് വിറ്റ ജീപ്പാണ് അഭിജിത്തിന്റെ നേതൃത്വത്തില് മോഷ്ടിച്ചത്.
ജോയ്മോന് വാങ്ങിയ ജീപ്പാണ് തിരിച്ചടവ് മുടങ്ങിയതോടെ സ്വകാര്യ ഫിനാന്സ് കമ്പനി പിടിച്ചെടുത്തത്. തുടര്ന്ന് ലേലത്തില് വിറ്റപ്പോള് നെടുങ്കണ്ടം സ്വദേശി അന്സാരി സലീമാണ് ഫിനാന്സ് കമ്പനിയില് നിന്നും വാഹനം വാങ്ങിയത്.
ഈ വാഹനം യുവാക്കാള് നെടുങ്കണ്ടത്ത് നിന്ന് മോഷ്ടിക്കുകയായിരുന്നു. കൊല്ലം സ്വദേശിയാണ് വാഹനം തട്ടിയെടുക്കാന് അഭിജിത്ത് ഉള്പ്പെടുന്ന ക്വട്ടേഷന് സംഘത്തെ ഏല്പ്പിച്ചത്.
Discussion about this post