ആലപ്പുഴ: ക്ഷേത്രത്തിലെ തിരുവാഭരണങ്ങൾ മോഷണം പോയ സംഭവത്തില് കീഴ്ശാന്തി പിടിയിൽ. എഴുപുന്ന ശ്രീനാരായണപുരം ശ്രീ മഹാവിഷ്ണു ക്ഷേത്രത്തിലെ തിരുവാഭരണങ്ങളാണ് മോഷണം പോയത്.
കൊല്ലം സ്വദേശി രാമചന്ദ്രൻ പോറ്റിയാണ് പിടിയിലായത്.കിരീടം ഉള്പ്പെടെ 20 പവൻ സ്വർണഭരണങ്ങളാണ് ഇയാൾ മോഷ്ടിച്ച് മുങ്ങിയത്. എറണാകുളത്ത് നിന്നാണ് ഇയാളെ പിടിയിലായത്.
മേൽശാന്തി അവധിയായതിനാൽ വിഷുത്തലേന്ന് ആറു മണിയോടെ വിഗ്രഹത്തിൽ ചാർത്താനുള്ളആഭരണങ്ങൾ ക്ഷേത്രം ഭാരവാഹികൾ കീഴ്ശാന്തിയായ രാമചന്ദ്രൻ പോറ്റിയെയാണ് ഏൽപ്പിച്ചത്.
ക്ഷേത്രത്തിലെ പൂജകൾക്ക് ശേഷം ആഭരണങ്ങൾ
ഇയാൾ തിരികെ കൈമാറിയില്ല. പലതവണ ചോദിച്ചപ്പോഴും ഉടൻ ഏൽപ്പിക്കാമെന്ന് പറഞ്ഞതായി ഭാരവാഹികൾ പറഞ്ഞു.
പിന്നീട് വൈകിട്ടോടെയാണ് രാമചന്ദ്രൻ പോറ്റിയും ക്ഷേത്രത്തിൽ ഇല്ലെന്ന് മനസിലായത്. തിരുവാഭരണങ്ങളും കാണാതായി. പിന്നാലെ പോലീസിൽ പരാതി നൽകുകയായിരുന്നു.
Discussion about this post