ശബരിമല: ശബരിമല യുവതി പ്രവേശനവുമായി ബന്ധപ്പെട്ട് ഉണ്ടായ സംഭവവികാസങ്ങള് തീര്ത്ഥാടകരുടെ വരവിനെ ബാധിച്ചെന്ന് ശബരിമല മേല്ശാന്തി വാസുദേവന് നമ്പൂതിരി പറഞ്ഞു. സാധാരണഗതിയില് മണ്ഡലകാലത്തുണ്ടാകുന്ന തിരക്ക് ഇത്തവണ ദര്ശനത്തിനുണ്ടായിട്ടില്ല. മലയാളി തീര്ത്ഥാടകരുടെ എണ്ണത്തിലാണ് കാര്യമായ കുറവുണ്ടായത്.
എന്നാല് ആന്ധ്രയില് നിന്നും തമിഴ്നാട്ടില് നിന്നും കാര്യമായ തീര്ത്ഥാടക പ്രവാഹം ഉണ്ടായി. ശബരിമലയില് ഏര്പ്പെടുത്തിയ നിയന്ത്രണങ്ങളില് തീര്ത്ഥാടകര് തന്നോട് നേരിട്ട് പരാതിപ്പെട്ടിരുന്നുവെന്നാണ് മേല്ശാന്തി വിഎന് വാസുദേവന് നമ്പൂതിരി പറഞ്ഞെത്. പലതരം സംഭവങ്ങള് ശബരിമലയെ ചുറ്റി ഉണ്ടായെങ്കിലും പൂജകളും കര്മകങ്ങളുമെല്ലാം മുറ തെറ്റാതെ പൂര്ത്തിയാക്കിയെന്നും മേല്ശാന്തി പറഞ്ഞു.
Discussion about this post