കൊല്ലം : കേരളത്തില് വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു. കൊല്ലം ജില്ലയില് പത്ത് വയസുകാരനാണ് രോഗം സ്ഥിരീകരിച്ചത്. കുട്ടിയെ ആശുപത്രിയിലേക്ക് മാറ്റി.
വിദഗ്ധ ചികിത്സയ്ക്കായി കുട്ടിയെ തിരുവനന്തപുരം എസ്എടി ആശുപത്രിയിലേക്കാണ് മാറ്റിയിരിക്കുന്നത്. നിലവില് കുട്ടിയുടെ ആരോഗ്യനില തൃപ്തികരമാണെന്നും ഇതു സംബന്ധിച്ച് ആശങ്കപ്പെടേണ്ടതില്ലെന്നും ആരോഗ്യവകുപ്പ് അറിയിച്ചു.
കുട്ടിക്ക് ഒക്ടോബര് 11 മുതലാണ് പനിയും തലവേദനയും അനുഭവപ്പെട്ടത്. 12ന് കടുത്ത തലവേദനയെയും പനിയെയും തുടര്ന്ന് കൊട്ടാരക്കര താലൂക്ക് ആശുപത്രിയില് പ്രവേശിപ്പിച്ചു. എന്നാല് രോഗം ഭേദമാവാത്തതിനെ തുടര്ന്ന് വിദഗ്ധ ചികിത്സയ്ക്കായി എസ്എടി ആശുപത്രിയിലേക്ക് മാറ്റുകയായിരുന്നു.
രോഗം സ്ഥിരീകരിച്ചതോടെ ജില്ലയില് ആരോഗ്യവകുപ്പ് ജാഗ്രതാനിര്ദേശം നല്കി. ജലാശയങ്ങളില് ഇറങ്ങുന്നവര് പ്രത്യേകം ശ്രദ്ധിക്കണമെന്നാണ് മാര്ഗനിര്ദേശത്തില് പറയുന്നത്.
Discussion about this post