കണ്ണൂര്: നവ കേരള സദസ്സ് കണ്ണൂര് ജില്ലയില് ഇന്നും തുടരും. കണ്ണൂരിലെ 4 മണ്ഡലങ്ങളിലാണ് ഇന്ന് നവകേരള സദസ്സ് നടക്കുക. അഴീക്കോട്, കണ്ണൂര്, ധര്മ്മടം, തലശ്ശേരി മണ്ഡലങ്ങളിലാണ് നവകേരള സദസ്സ് ഇന്ന് നടക്കുന്നത്.
ഈ മണ്ഡലങ്ങള്ക്ക് പുറമേ മട്ടന്നൂര്, പേരാവൂര്, കൂത്തുപറമ്പ് മണ്ഡലങ്ങളിലെ പൗരപ്രമുഖരുമായി രാവിലെ 9 മണിക്ക് മുഖ്യമന്ത്രിയും മന്ത്രിമാരും സംവദിക്കും. രാവിലെ 10.30നാണ് മുഖ്യമന്ത്രിയുടെ പതിവ് വാര്ത്താ സമ്മേളനം.
അതേസമയം, കണ്ണൂര് ജില്ലയില് രണ്ടാം ദിനമായ ഇന്ന് പ്രതിഷേധം കണക്കിലെടുത്ത് കനത്ത സുരക്ഷയാണ് ഒരുക്കിയിട്ടുള്ളത്.
മുഖ്യമന്ത്രിക്കെതിരെ ഇന്നലെ ഉണ്ടായ യൂത്ത് കോണ്ഗ്രസ് പ്രതിഷേധത്തിന്റെ പശ്ചാത്തലത്തിലാണ് വേദികളില് കൂടുതല് സുരക്ഷ ഏര്പ്പെടുത്തിയത്.
Discussion about this post