കാസര്കോട്: സംസ്ഥാനത്ത് പനി ബാധിച്ച് വീണ്ടും മരണം. കാസര്കോട് സ്വദേശിനിയാണ് മരിച്ചത്. ചെമ്മനാട് ആലക്കംപടിക്കലിലെ ശ്രീജിത്തിന്റെ ഭാര്യ അശ്വതിയാണ് പനി ബാധിച്ച് മരിച്ചത്.
ഇരുപത്തിയെട്ട് വയസ്സായിരുന്നു. ഒടയംചാല് സ്വദേശിയാണ് അശ്വതി. മംഗലാപുരത്ത് സ്വകാര്യ ആശുപത്രിയില് ചികിത്സയില് കഴിയവെ ഇന്ന് രാവിലെയാണ് മരണം സംഭവിച്ചത്. കഴിഞ്ഞ തിങ്കളാഴ്ചയാണ് അശ്വതിക്ക് പനി കൂടിയത്.
also read: സ്വകാര്യബസ് ബൈക്കിലിടിച്ച് നിയന്ത്രണം വിട്ട് മറിഞ്ഞു, 11 പേര്ക്ക് പരിക്ക്
തുടര്ന്ന് കാസര്കോട് ആശുപത്രിയില് ചികിത്സ തേടിയിരുന്നു. എന്നാല് അന്ന് തന്നെ വീട്ടിലേക്ക് മടങ്ങി. ചൊവ്വാഴ്ച വീണ്ടും പനി കൂടിയതോടെ വീണ്ടും ആശുപത്രിയില് പ്രവേശിപ്പിക്കുകയായിരുന്നു.
also read: ശോഭ സുരേന്ദ്രനല്ല, ഇത്തവണ ആറ്റിങ്ങലിലെ ബിജെപി സ്ഥാനാര്ത്ഥി വി മുരളീധരന്
ഇവിടെ ചികിത്സയില് കഴിയവെ ആരോഗ്യനില വഷളായി. ഇതോടെ മംഗലാപുരത്തെ സ്വകാര്യ ആശുപത്രിയിലേക്ക് മാറ്റുകയായിരുന്നു. എന്നാല് ജീവന് രക്ഷിക്കാന് കഴിഞ്ഞില്ല.
ടിടിസി വിദ്യാര്ത്ഥിയായിരുന്ന അശ്വതിക്കും ശ്രീജിത്തിനും ആറ് വയസുള്ള ഒരു കുട്ടിയുണ്ട്. മംഗലാപുരത്തെ ആശുപത്രിയില് നിന്ന് മൃതദേഹം ഒടയംചാലിലെത്തിക്കും.
Discussion about this post