തന്റെ മുടിയെക്കുറിച്ച് മമ്മൂട്ടി പറഞ്ഞ വാക്കുകള് ബോഡി ഷെയിമിങ് ആയി തനിക്ക് അനുഭവപ്പെട്ടിട്ടില്ലെന്ന് സംവിധായകന് ജൂഡ് ആന്റണി ജോസഫ്. താന് ഏറെ ബഹുമാനിക്കുന്ന വ്യക്തി ഏറെ സ്നേഹത്തോടെ പറഞ്ഞ വാക്കുകളെ വളച്ചൊടിക്കരുതെന്നും ജൂഡ് ആന്റണി പറഞ്ഞു.
കഴിഞ്ഞ ദിവസം 2018 എന്ന സിനിമയുടെ ട്രെയ്ലര് ലോഞ്ച് വേളയിലാണ് മമ്മൂട്ടി ജൂഡിനെതിരെ പരാമര്ശം നടത്തിയത്. ജൂഡ് ആന്റണിയുടെ തലയില് കുറച്ച് മുടി കുറവാണെന്നേയുള്ളൂ, ബുദ്ധിയുണ്ട്’ എന്നാണ് മമ്മൂട്ടി പറഞ്ഞത്.
അതേസമയം, എനിക്ക് മുടി ഇല്ലാത്തതില് വിഷമം എനിക്കോ എന്റെ കുടുംബത്തിനോ ഇല്ല. ഇനി അത്രേം ആശങ്ക ഉള്ളവര് മമ്മൂക്കയെ ചൊറിയാന് നിക്കാതെ എന്റെ മുടി പോയതിന്റെ കാരണക്കാരായ ബാംഗ്ലൂര് കോര്പറേഷന് വാട്ടര്, വിവിധ ഷാംപൂ കമ്പനികള് ഇവര്ക്കെതിരെ ശബ്ദമുയര്ത്തുവിന് എന്നാണ് ജൂഡ് ഫേസ്ബുക്കില് കുറിച്ചത്.
‘മമ്മൂക്ക എന്റെ മുടിയെക്കുറിച്ചു പറഞ്ഞത് ബോഡി ഷെമിങ് ആണെന്ന് പൊക്കിപ്പിടിച്ചുക്കൊണ്ടു വരുന്നവരോട്, എനിക്ക് മുടി ഇല്ലാത്തതില് ഉള്ള വിഷമം എനിക്കോ എന്റെ കുടുംബത്തിനോ ഇല്ല. ഇനി അത്രേം ആശങ്ക ഉള്ളവര് മമ്മൂക്കയെ ചൊറിയാന് നിക്കാതെ എന്റെ മുടി പോയതിന്റെ കാരണക്കാരായ ബാംഗ്ലൂര് കോര്പറേഷന് വാട്ടര് , വിവിധ ഷാംപൂ കമ്പനികള് ഇവര്ക്കെതിരെ ശബ്ദമുയര്ത്തുവിന്. ഞാന് ഏറെ ബഹുമാനിക്കുന്ന ആ മനുഷ്യന് ഏറ്റവും സ്നേഹത്തോടെ പറഞ്ഞ വാക്കുകളെ ദയവു ചെയ്തു വളച്ചൊടിക്കരുത് എന്ന് മുടിയില്ലാത്തതില് അഹങ്കരിക്കുന്ന ഒരുവന്’, ജൂഡ് ആന്റണി ജോസഫ് കുറിച്ചു.
Discussion about this post