കോഴിക്കോട്: ജനനേന്ദ്രിയത്തില് മോതിരം കുടുങ്ങി പതിനഞ്ചുകാരന് ഗുരുതരാവസ്ഥയിലായി. ഫറോക്ക് സ്വദേശിയായ പത്താം ക്ലാസുകാരന്റെ ജനനേന്ദ്രിയത്തിലാണ് സ്റ്റീല് മോതിരം കുടുങ്ങിയത്. അഗ്നിരക്ഷാസേനയുടെ സമയോചിതമായ ഇടപെടലാണ് കുട്ടിയുടെ ജീവന് രക്ഷിച്ചത്.
ഇന്നലെ രാവിലെയാണ് കുട്ടിയെ കോഴിക്കോട് മെഡിക്കല് കോളേജിലെ അത്യാഹിത വിഭാഗത്തില് പ്രവേശിപ്പിച്ചത്. മോതിരം കുടുങ്ങി ജനനേന്ദ്രിയം വീര്ത്ത അവസ്ഥയിലായിരുന്നു. തുടര്ന്ന് ഡോക്ടര്മാര് വെള്ളിമാടുകുന്ന് സ്റ്റേഷനിലെ അഗ്നിരക്ഷാസേനയെ വിവരമറിയിച്ചു. ഡോക്ടര്മാരുടെ കൂടി സഹായത്തോടെ പ്രത്യേക ഫ്ലക്സിബിള് ഷാഫ്റ്റ് ഗ്രൈഡര് ഉപയോഗിച്ച് അഗ്നിരക്ഷാ സേന മോതിരം മുറിച്ചെടുക്കുകയായിരുന്നു.
ശനിയാഴ്ച യൂട്യൂബില് വീഡിയോകള് കണ്ടാണ് മോതിരം ജനനേന്ദ്രിയത്തിലിട്ടതെന്ന് പതിനഞ്ചുകാരന് പറഞ്ഞു. ഊരിയെടുക്കാന് സാധിക്കാതായതോടെ വിവരം കുടുംബത്തെ അറിയിക്കുകയായിരുന്നു. തുടര്ന്ന് ബന്ധുക്കള് ആശുപത്രിയിലെത്തിച്ചു.
Discussion about this post