തിരുവനന്തപുരം: ഈ വര്ഷത്തെ ഓണം ബമ്പര് ഭാഗ്യക്കുറി നറുക്കെടുത്തു. ഓണം ബമ്പര് ഭാഗ്യക്കുറിയുടെ ഒന്നാംസമ്മാനം 25 കോടി രൂപ TJ 750605 നമ്പറിന്. തിരുവനന്തപുരത്ത് വിറ്റ ടിക്കറ്റാണിത്. ഭഗവതി ഏജൻസിയിലെ തങ്കരാജ് എന്ന ഏജന്റ് ആണ് ടിക്കറ്റ് വിറ്റിരിക്കുന്നത്.
രണ്ടാംസമ്മാനമായ അഞ്ചുകോടി രൂപ ലഭിച്ച ടിക്കറ്റ്- TG 270912 . മൂന്നാംസമ്മാനം- ഒരു കോടി രൂപ വീതം പത്തുപേര്ക്ക്:
TA 292922, TB 479040, TC 204579, TD 545669, TE 115479, TG 571986, TH 562506, TJ 384189, TK 395507,TL 555868
തിരുവനന്തപുരം ഗോര്ക്കി ഭവനില് ധനമന്ത്രി കെഎന് ബാലഗോപാലാണ് ഓണം ബമ്പറിന്റെ ഒന്നാംസമ്മാനം നറുക്കെടുത്തത്. 25 കോടി രൂപയാണ് ഈവര്ഷത്തെ ഒന്നാംസമ്മാനം. ഒന്നാം സമ്മാനം നേടുന്ന വ്യക്തിക്ക് നികുതികള് കഴിച്ച് കിട്ടുക 15.75 കോടിയാണ്. ടിക്കറ്റിന് പിറകില് ഒപ്പിടുന്നയാളിനാണ് സമ്മാനത്തിന് അര്ഹത.
അഞ്ചുകോടി രൂപയാണ് രണ്ടാംസമ്മാനം. മൂന്നാംസമ്മാനം ഒരു കോടി രൂപ വീതം പത്തുപേര്ക്ക്. 90 പേര്ക്ക് നാലാംസമ്മാനമായി ഒരുലക്ഷം രൂപ വീതവും ലഭിക്കും. ആകെ 126 കോടി രൂപയാണ് ഇത്തവണ സമ്മാനമായി നല്കുന്നത്. 66.5 ലക്ഷം ടിക്കറ്റുകളാണ് ശനിയാഴ്ച വൈകുന്നേരം വരെ വിറ്റത്.
കഴിഞ്ഞവര്ഷം ഓണത്തിന് വിറ്റത് 54 ലക്ഷം ടിക്കറ്റായിരുന്നു. ഇത്തവണ ആദ്യം 65 ലക്ഷം അച്ചടിച്ചു. ആവശ്യക്കാര് ഏറിയതിനാല് രണ്ടരലക്ഷംകൂടി അച്ചടിച്ചു. ഞായറാഴ്ച ഉച്ചവരെ ടിക്കറ്റുകള് വിറ്റിരുന്നു. 90 ലക്ഷം ടിക്കറ്റുകള്വരെ അച്ചടിക്കാന് ഇത്തവണ ഭാഗ്യക്കുറിവകുപ്പിന് സര്ക്കാര് അനുമതി നല്കിയിരുന്നു.
Discussion about this post